ବ୍ରହ୍ମପୁର: ବିଶ୍ବ ପ୍ରସିଦ୍ଧ ରଥଯାତ୍ରାରେ ଆସି ଶ୍ରୀଜୀଉ ମାନେ ମାଉସୀ ମା’ ଘରେ ରହିଛନ୍ତି। ଏହି ଅବସରରେ ବ୍ରହ୍ମପୁରର ସତ୍ୟ ମହାରଣା ପ୍ରାୟ ୨ ମିମି. ଉଚ୍ଚତାର ଏକ ନିଆରା ଜଗନ୍ନାଥ ମୂର୍ତ୍ତି ତିଆରି କରିଛନ୍ତି।
କ୍ଷୁଦ୍ର କଳାକୃତି ତିଆରି ପାଇଁ ୨୫ଟି ଆନ୍ତର୍ଜାତୀୟ ତଥା ଜାତୀୟ ରେକର୍ଡ ସ୍ଥାପନ କରିଥିବା ସତ୍ୟ କହିଛନ୍ତି ” ଏପର୍ଯ୍ୟନ୍ତ ତିଆରି କରିଥିବା ସବୁଠାରୁ ଛୋଟ ଜଗନ୍ନାଥ ପ୍ରତିମା ହେଉଛି ଏହି ମୂର୍ତ୍ତି। ଏହା ‘ଗମ୍ଭାରୀ’ କାଠରେ ତିଆରି ହୋଇଥିଲା ବେଳେ ସେ ଆଉ ଏକ ବିଶ୍ୱ ରେକର୍ଡ କରିବାକୁ ଚାହୁଁଛନ୍ତି”।
ସତ୍ୟ ନିକଟ ଅତୀତରେ ୧ ମିମି ଉଚ୍ଚତା ଏବଂ ୧ ମିମି ଚଉଡା କାଠରେ ପ୍ରଭୁ ଶ୍ରୀ ଜଗନ୍ନାଥଙ୍କ ରଥ ତିଆରି କରିଥିଲେ, ଯାହାକି ‘ଏକ୍ସକ୍ଲୁସିଭ୍ ୱାର୍ଲ୍ଡ ରେକର୍ଡସ’ ଦ୍ୱାରା ବିଶ୍ୱର ସବୁଠାରୁ ଛୋଟ ରଥ ଭାବରେ ସ୍ବୀକୃତି ଅର୍ଜନ କରିଥିଲା।