ସ୍ମାର୍ଟସିଟି ପ୍ରତିଯୋଗିତାରେ ଭୁବନେଶ୍ବରକୁ ୨ଟି ପୁରସ୍କାର

ଭୁବନେଶ୍ବର : ସ୍ମାର୍ଟସିଟି ପ୍ରତିଯୋଗିତାରେ ଭୁବନେଶ୍ବରକୁ ପୁଣି ଥରେ ପୁରସ୍କାର । ଇଣ୍ଡିଆନ ସ୍ମାର୍ଟ ସିଟି ଆଓ୍ୱାର୍ଡ ପ୍ରତିଯୋଗିତାରେ ଦୁଇଟି ପୁରସ୍କାର ହାସଲ କରିଛି ରାଜଧାନୀ ଭୁବନେଶ୍ୱର । କେନ୍ଦ୍ର ସରକାରଙ୍କ ସହରାଞ୍ଚଳ ବ୍ୟାପାର ମନ୍ତ୍ରଣାଳୟ ପକ୍ଷରୁ ଅନୁଷ୍ଠିତ ପ୍ରତିଯୋଗିତାରେ ଭାଗ ନେଇଥିଲେ ଦେଶର ୧୦୦ଟି ସହର । ଯେଉଁଥିରେ ଇନ୍ଦୋର ଓ ସୁରତକୁ ଶ୍ରେଷ୍ଠ ସ୍ମାର୍ଟ ସିଟି ପୁରସ୍କାର ପ୍ରଦାନ କରାଯାଇଛି । ସର୍ବଭାରତୀୟ ସ୍ତରରେ ହୋଇଥିବା ‘ସୋସିଆଲି ସ୍ମାର୍ଟ ଭୁବନେଶ୍ବର’ ଓ ମୋ ଭୁବନେଶ୍ବର ପୋର୍ଟାଲ ପାଇଁ ଭୁବନେଶ୍ବର ପୁରସ୍କୃତ ହୋଇଛି । ଓ୍ୱାଇ-ଫାଇ ବ୍ୟବସ୍ଥା, ପବ୍ଲିକ ଟ୍ରାନ୍ସପୋର୍ଟ, ଜନକଲ୍ୟାଣ ଯୋଜନା ଭଳି ବିଭିନ୍ନ ବ୍ୟବସ୍ଥା ପାଇଁ ଭୁବନେଶ୍ବର ଅନ୍ୟ ସହର ତୁଳନାରେ ଏକ ସ୍ବତନ୍ତ୍ର ପରିଚୟ ସୃଷ୍ଟି କରିଛି ।