ମୁମ୍ବାଇ: ବିଗ୍ବସ ସିଜିନ୍-୧୬ର ପ୍ରତିଯୋଗୀ ସାଜିଥିବା ତାଜିକ୍ସ୍ତାନର ଅବ୍ଦୁ ରୋଜିକ୍ ଏହି ଶୋ’ ଜରିଆରେ ଭାରତରେ ଖୁବ୍ ଲୋକପ୍ରିୟତା ହାସଲ କରିଛନ୍ତି । ଏହି ସଫଳତା ଆଧାରରେ ବଲିଉଡ଼ରେ ତାଙ୍କୁ ଫିଲ୍ମରେ ଅଭିନୟ ଅଫର ମିଳିବା ସହିତ ଏକାଧିକ ବିଜ୍ଞାପନ ଓ ମ୍ୟୁଜିକ୍ ଭିଡ଼ିଓରେ ଅଭିନୟ କରିଛନ୍ତି । ଏବେ ତାଙ୍କ ଲକ୍ଷ୍ୟ ଭାରତ ଫେରି ମୁମ୍ବାଇରେ ଏକ ରେସ୍ତୋରାଁ ଖୋଲିବେ ।
ନିକଟରେ ଶେଷ ହୋଇଥିବା ବିଗ୍ ବସ ସିଜିନ୍ -୧୬ର ଫିନାଲରେ ଉପସ୍ଥିତ ଥିଲେ ଅବ୍ଦୁ । ଏହି ସମୟରେ ବିଗ୍ବସ ପ୍ଲାଟଫର୍ମ ତାଙ୍କୁ କିଭଳି ଆଗକୁ ବଢିବାକୁ ସୁଯୋଗ ଦେଇଛି ସେ କଥା ଶୋ’ରେ ସ୍ପଷ୍ଟ କରିଥିଲେ । ସେ କହିଛନ୍ତି, ବିଗ୍ବସ କାର୍ଯ୍ୟକ୍ରମ ତାଙ୍କ ପାଇଁ ଅପ୍ରତ୍ୟାଶିତ ଥିଲା । ଟପ୍ ୫ରେ ନ ପହଞ୍ଚି ପାରିଲେ ବି ଭାରତୀୟଙ୍କ ଭଲ ପାଇବା ତାଙ୍କୁ ମିଳିଛି । ଏହି ଭଲପାଇବା ଆଧାରରେ ତାଙ୍କୁ ବିଭିନ୍ନ ଅଫର ମିଳିଛି । ଏସବୁ ଭିତରେ ତାଙ୍କର ଲକ୍ଷ୍ୟ ତାଜିକ୍ସ୍ତାନରୁ ଆସି ମୁମ୍ବାଇରେ ରହିବା ସହ ନିଜ କ୍ଷମତା ଅନୁସାରେ ବ୍ୟବସାୟ ଆରମ୍ଭ କରିବେ । ଫିନାଲେରେ ଯୋଗ ଦେବା ପରେ ଆସନ୍ତା ମାର୍ଚ୍ଚ ୬ ତାରିଖରେ ସେ ପୁଣି ଭାରତ ଫେରିବେ । ଏହି ଅବସରରେ ମୁମ୍ବାଇରେ ଏକ ନୂତନ ରେସ୍ତୋରାଁ ଖୋଲିବାକୁ ଯାଉଛନ୍ତି । ସେ ସ୍ପଷ୍ଟ କରିଛନ୍ତି ଯେ, ତାଙ୍କର ମୁମ୍ବାଇରେ ପୁରା ରହିବାର ଯୋଜନା ଅଛିି । ତାଙ୍କର ଲୋକପ୍ରିୟତାକୁ ଦେଖିଲେ ସେ ଅଧିକ ପ୍ରୋଜେକ୍ଟରେ କାମ ବି ପାଉଛନ୍ତି । ତାଜିକିସ୍ତାନ ଯିବା ପୂର୍ବରୁ ଅବ୍ଦୁ ସଲମାନ ଖାଁଙ୍କୁ ତାଙ୍କ ଘରେ ଭେଟିବା ପାଇଁ ଗାଲାକ୍ସ ଯାଇଥିଲେ । ସଲମାନ ତାଙ୍କୁ ‘ଛୋଟା ଭାଇଜାନ୍’ ମଧ୍ୟ ନାମିତ କରିଛନ୍ତି ।
Comments are closed.