ପାଟନା: ବିହାରରେ ସରକାର ଗଠନ ନେଇ ରୂପରେଖ ଚୁଡ଼ାନ୍ତ ହୋଇଛି । ନୀତିଶ କୁମାର ମୁଖ୍ୟମନ୍ତ୍ରୀ ଭାବରେ ଶପଥ ନେଉଥିବା ବେଳେ ଉପମୁଖ୍ୟମନ୍ତ୍ରୀକୁ ନେଇ ସରୁନି ସସପେନ୍ସ । ଏଯାଏ ଘୋଷଣା ହୋଇନି ନାଁ । କୁହାଯାଉଛି ବିଜେପିରୁ ଦୁଇ ଜଣ ଏଥର ଉପମୁଖ୍ୟମନ୍ତ୍ରୀ ହେବେ । ରେସରେ ଅଛନ୍ତି ନବନିର୍ବାଚିତ ବିଜେପି ବିଧାୟକ ଦଳ ନେତା ତାରକିଶୋକ ପ୍ରସାଦ ଓ ବିଜେପି ଉପନେତା ରେଣୁ ଦେବୀ ।
ସେହିପରି ବିହାର ବିଧାନସଭା ବାଚସ୍ପତି ପଦ ବି ବିଜେପି ହାତରେ ରଖିବ । ବିଜେପିରୁ ଜଣେ ବିଧାୟକଙ୍କୁ ଏହି ପଦରେ ବସାଇବ ବିଜେପି । ଏନେଇ ଗତକାଲି ରାତିରେ ବିଜେପି ଓ ଜେଡିୟୁର ବରିଷ୍ଠ ପଦାଧିକାରୀଙ୍କ ବୈଠକରେ ନିଷ୍ପତ୍ତି ହୋଇଥିବା ସୂଚନା ମିଳିଛି ।
ବିହାର ବିଧାନସଭା ନିର୍ବାଚନରେ ଏନଡିରେ ଅଧିକ ସିଟ୍ ଜିତିଛି ବିଜେପି । କମ୍ ଆସନ ପାଇଥିଲେ ବି ଜେଡିୟୁ ସୁପ୍ରିମୋ ନୀତିଶ କୁମାରଙ୍କୁ ବିଜେପି ମୁଖ୍ୟମନ୍ତ୍ରୀ ଚୌକି ଛାଡ଼ି ଦେଇଛନ୍ତି । କିନ୍ତୁ ଉପମୁଖ୍ୟମନ୍ତ୍ରୀ ଓ ବାଚସ୍ପତି ପଦ ନିଜ ହାତରେ ରଖିବ ବୋଲି ସୂଚନା ମିଳିଛି ।
Comments are closed.