ପାଟନା: ବିହାରରେ ନୂତନ ସରକାର ଗଠନ ହେବା ପରେ ମୁଖ୍ୟମନ୍ତ୍ରୀ ତଥା ଜେଡିୟୁ ନେତା ନୀତିଶ କୁମାର ଓ ବିଜେପିର ସୁଶୀଲ କୁମାର ମୋଦି ମୁହାଁମୁହିଁ ହୋଇଛନ୍ତି । ନିକଟରେ ସୁଶୀଲ କହିଥିଲେ ଆଉ ଅଳ୍ପ ଦିନ ମଧ୍ୟରେ ନୀତିଶ ସରକାର ଭାଙ୍ଗିଯିବ । କାରଣ ଲାଲୁ ପ୍ରସାଦ ଯେବେ ଚାହିଁବେ ତେଜସ୍ୱୀ ଯାଦବ ମୁଖ୍ୟମନ୍ତ୍ରୀ ହେବେ । ସେହିପରି କଂଗ୍ରେସ ଏକ ବୁଡି ଯାଉଥିବା ଜାହାଜ, ନୀତିଶ ଗୋଟିଏ ଗୋଡ ବୁଡା ଜାହଜରେ ଓ ଅନ୍ୟ ଗୋଡକୁ ଏପରି ସ୍ଥାନରେ ରଖିଛନ୍ତି ଯାହା ତାଙ୍କ ଡଙ୍ଗାକୁ ସହଜରେ ବୁଡାଇ ଦେଇପାରିବ । ଏହାର ଜବାବରେ ନୀତିଶ କହିଛନ୍ତି ମୋଦିଙ୍କୁ କୁହନ୍ତୁ ସରକାର ଭାଙ୍ଗି ଦେବେ । ଜେଡିୟୁ ଓ ବିଜେପି ସରକାର କରିଥିବା ବେଳେ ତାଙ୍କୁ କୌଣସି ପଦ ଦିଆଯାଇ ନ ଥିଲା । ଏବେ କେନ୍ଦ୍ର ସରକାର ଓ ବିଜେପିକୁ ମନେଇବା ପାଇଁ ସେ ଏ ଭଳି ମନ୍ତବ୍ୟ ଦେଇ ଚାଲନ୍ତୁ ।
Comments are closed.