ବିଲ ଗେଟ୍ସ ନିର୍ଦ୍ଦେଶକ ବୋର୍ଡରୁ ଇସ୍ତଫା ଦେଇଛନ୍ତି, ବର୍ତ୍ତମାନ କଣ କରିବେ ଜାଣନ୍ତୁ

ନୂଆଦିଲ୍ଲୀ: ଦୁନିଆର ଅନ୍ୟତମ ଧନୀ ବ୍ୟକ୍ତିତ୍ୱ ତଥା ବୈଷୟିକ ବ୍ୟବସାୟର କିମ୍ବଦନ୍ତୀ ବିଲ୍ ଗେଟ୍ସ ଏକ ବଡ଼ ଘୋଷଣା କରିଛନ୍ତି। ଟେକ୍ କମ୍ପାନୀ ମାଇକ୍ରୋସଫ୍ଟ ଘୋଷଣା କରିଛି ଯେ ସହ-ପ୍ରତିଷ୍ଠାତା ବିଲ୍ ଗେଟ୍ସ କମ୍ପାନୀର ନିର୍ଦ୍ଦେଶକ ବୋର୍ଡରୁ ଇସ୍ତଫା ଦେଇଛନ୍ତି। କମ୍ପାନୀ କହିଛି ଯେ ବିଲ୍ ଗେଟ୍ସ ବର୍ତ୍ତମାନ ସାମାଜିକ କାର୍ଯ୍ୟରେ ଅଧିକ ସମୟ ଦେବାକୁ ଚାହୁଁଛନ୍ତି। ମାଇକ୍ରୋସଫ୍ଟ କହିଛି ଯେ ଗେଟ୍ସ ବିଶ୍ୱ ସ୍ୱାସ୍ଥ୍ୟ ଏବଂ ଶିକ୍ଷା ପାଇଁ ଅଧିକ କାମ କରିବାକୁ ଆଗ୍ରହୀ | ସେଥିପାଇଁ ସେମାନେ ଏହି ଦାଇତ୍ୱ ରୁ ଇସ୍ତଫା ଦେଇଛନ୍ତି |

ଏକ ଦଶନ୍ଧି ପୂର୍ବରୁ କାର୍ଯ୍ୟାଳୟ ଛାଡିଥିଲି :

୬୪ ବର୍ଷିୟ ଗେଟ୍ସ ପ୍ରାୟ ଏକ ଦଶନ୍ଧି ପୂର୍ବରୁ କାର୍ଯ୍ୟାଳୟର ଦୈନନ୍ଦିନ କାର୍ଯ୍ୟରେ ଯୋଗଦେବା ଛାଡିଥିଲେ। ତଥାପି, ସେ ମାଇକ୍ରୋସଫ୍ଟ ସିଇଓ ସତ୍ୟ ନାଡେଲାଙ୍କ ସହ ବୈଷୟିକ ପରାମର୍ଶଦାତା ଭାବରେ ଜଡିତ ହେବେ। ୨୦୧୪ ଆରମ୍ଭ ସୁଦ୍ଧା, ଗେଟ୍ସ ମାଇକ୍ରୋସଫ୍ଟର ବୋର୍ଡ ଅଫ୍ ଡାଇରେକ୍ଟର୍ସର ଚେୟାରମ୍ୟାନ୍ ଭାବରେ କାର୍ଯ୍ୟ କରୁଥିଲେ ଏବଂ ବର୍ତ୍ତମାନ ସେଠାରୁ ଦୂରେଇ ଯାଉଛନ୍ତି।

Microsoft Corporation: Co-Founder&Technology Advisor Bill Gates stepped down from the company’s Board of Directors to dedicate more time to his philanthropic priorities. He will continue to serve as Technology Advisor to CEO Satya Nadella&other leaders in the company. (File pic) pic.twitter.com/Stx1FbD9sc

— ANI (@ANI) March 13, 2020

ମାଇକ୍ରୋସଫ୍ଟର ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ ତଥା କମ୍ପାନୀର ଭେଟେରାନ୍ ସତ୍ୟ ନାଡେଲା ଏକ ରିଲିଜରେ କହିଛନ୍ତି ଯେ ଏତେ ବର୍ଷ ଧରି ବିଲ୍ ସହିତ କାମ କରିବା ଏବଂ ଶିଖିବା ଏକ ଗୋୖରବର ବିଷୟ। ନାଡେଲା ଏହା ମଧ୍ୟ କହିଛନ୍ତି ଯେ ବୈଷୟିକ ପରାମର୍ଶଦାତା ଭାବରେ ଗେଟ୍ସ କମ୍ପାନୀ ସହ ଜଡିତ ହେବେ ଏବଂ ଆମେ ତାଙ୍କଠାରୁ ପରାମର୍ଶ ଗ୍ରହଣ କରିବୁ।