ମିରଟ: ୫ ଥର କରୋନା ଟିକା ନେଲେଣି ବିଜେପି ନେତା! ଏବେ ୬ ଥର ଟିକା ନେବାକୁ ସିଡ୍ୟୁଲ୍ ମଧ୍ୟ କରାଯାଇଛି। ଉତ୍ତରପ୍ରଦେଶର ମିରଟରୁ ଏମିତି ଏକ ମାମଲା ସାମ୍ନାକୁ ଆସିଛି। ମିରଟର ଜଣେ ବିଜେପି ନେତା ୫ ଥର କୋଭିଡ-୧୯ ଟିକା ନେଲା ପରେ ଏବେ ୬ ଥର ଟିକା ନେବା ପାଇଁ ସିଡ୍ୟୁଲ୍ କରିଛନ୍ତି। ତାଙ୍କର ଟିକାକରଣ ପ୍ରମାଣପତ୍ର ଅନୁଯାୟୀ ସେ ୬ ଥର କୋଭିଡ୍ ଟିକା ନେବେ।
୭୩ ବର୍ଷର ରାମପାଲ ସିଂ ତାଙ୍କ ଟିକାକରଣ ପ୍ରମାଣପତ୍ର ଡାଉନଲୋଡ୍ କରିବା ପରେ ଏହି ମାମଲା ସାମ୍ନାକୁ ଆସିଥିଲା। ଏହି ପ୍ରମାଣପତ୍ରରେ ଦର୍ଶାଇଛି ଯେ ତାଙ୍କୁ ପୂର୍ବରୁ ପାଞ୍ଚ ଥର ଟିକା ଦିଆଯାଇଛି ଏବଂ ଅନ୍ୟ ଏକ ଡୋଜ ପାଇଁ ତାରିଖ ଧାର୍ଯ୍ୟ କରାଯାଇଛି।
ସିଂ କହିଛନ୍ତି ଯେ ସେ ମିରଟର ସର୍ଦ୍ଦାର ଅଞ୍ଚଳରେ ବୁଥ ନଂ ୭୯ ର ବିଜେପି ସଭାପତି ଥିବା ସହିତ ଏବଂ ହିନ୍ଦୁ ଯୁବା ବାହିନୀର ସଦସ୍ୟ ମଧ୍ୟ ଅଛନ୍ତି।
ସେ ଦାବି କରିଛନ୍ତି ଯେ ତାଙ୍କୁ କେବଳ ଦୁଇଥର ଟିକାକରଣ କରାଯାଇଛି ଏବଂ ସ୍ୱାସ୍ଥ୍ୟ ବିଭାଗର ଅବହେଳା ଯୋଗୁ ଏପରି ହୋଇଥିବା ସେ ଅଭିଯୋଗ କରିଛନ୍ତି। ସିଂଙ୍କର ଏକ ଅଭିଯୋଗ ଦାଖଲ ପରେ ଅଧିକାରୀମାନେ ତଦନ୍ତ ଆରମ୍ଭ ହୋଇଛି।
ମାର୍ଚ୍ଚ ୧୬ ରେ ସେ ତାଙ୍କର ପ୍ରଥମ ଡୋଜ ଏବଂ ଦ୍ୱିତୀୟ ମେ ୬ ରେ ନେଇଥିଲେ ବୋଲି ସେ କହିଛନ୍ତି।
ସେ କହିଛନ୍ତି ଯେ ସାର୍ଟିଫିକେଟ୍ ଅନୁଯାୟୀ ମାର୍ଚ୍ଚ ୧୬ ରେ ତାଙ୍କର ପ୍ରଥମ ଡୋଜ୍, ଦ୍ୱିତୀୟଟି ମେ ୮ ରେ, ତୃତୀୟଟି ମେ ୧୫ ରେ ଏବଂ ତୃତୀୟ ଚତୁର୍ଥ ଏବଂ ପଞ୍ଚମ ସେପ୍ଟେମ୍ବର ୧୫ ରେ ଦର୍ଶାଯାଇଛି।