ଅଭିଜିତ ଆୟାରଙ୍କୁ କ୍ଷମା ପ୍ରସଙ୍ଗ: ମୁଖ୍ୟମନ୍ତ୍ରୀ ନବୀନଙ୍କୁ ପ୍ରଶଂସା କଲେ ବିଜେପି ନେତା ସୁବ୍ରମଣ୍ୟମ୍ ସ୍ୱାମୀ
ଭୁବନେଶ୍ୱର : ଅଭିଜିତ ଆୟାରଙ୍କୁ ରାଜ୍ୟ ସରକାର କ୍ଷମା ଦେବା ପରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ସହୃଦୟତାକୁ ପ୍ରଂଶସା କରିଛନ୍ତି ବିଜେପି ବରିଷ୍ଠ ନେତା ସୁବ୍ରମଣ୍ୟମ୍ ସ୍ୱାମୀ ।
The withdrawal of cases against Abhijit and that too after the CJI had rebuked his advocate that Abhijit is safe in jail, is due to the large heart of CM Patnaik and the Odisha Assembly sagacity. Abhijit should learn that four letter foul words is not culture
— Subramanian Swamy (@Swamy39) December 4, 2018
ମହାପ୍ରଭୁ ଶ୍ରୀ ଜଗନ୍ନାଥ, ବିଶ୍ୱ ପ୍ରସିଦ୍ଧ କୋଣାର୍କ ସୂର୍ଯ୍ୟମନ୍ଦିର ତଥା ଓଡିଶା ସମ୍ପର୍କରେ ରିସର୍ଚ୍ଚ ସ୍କଲାର ଅଭିଜିତ ଆୟାର ମିତ୍ର ଦେଇଥିବା କଟୁ ମନ୍ତବ୍ୟ ପରେ ସମଗ୍ର ଓଡିଶାରେ ହଇଚଇ ସୃଷ୍ଟି ହୋଇଥିଲା । ଏନେଇ ପରବର୍ତ୍ତୀ ସମୟରେ ସେ ଗିରଫ ହେବା ପରେ ତାଙ୍କର ଏହି କର୍ମ ଲାଗି କ୍ଷମା ପ୍ରାର୍ଥନା କରିଥିଲେ । ସେ ମଧ୍ୟ ଏସମ୍ପର୍କରେ ମୁଖ୍ୟମନ୍ତ୍ରୀ ତଥା ମୁଖ୍ୟ ଶାସନ ସଚିବଙ୍କୁ ଏକ କ୍ଷମା ପ୍ରାର୍ଥନା ସମ୍ବଳିତ ପତ୍ର ପ୍ରଦାନ କରିଥିଲେ ।
ମାତ୍ର ସମସ୍ତଙ୍କୁ ଆଶ୍ଚର୍ଯ୍ୟ ଚକିତ କରି ଓଡିଶା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ସହୃଦୟତାର ସହିତ ଅଭିଜିତଙ୍କୁ କ୍ଷମା ପ୍ରଦାନ କରିଛନ୍ତି ।
ଏକ ଟ୍ୱିଟ୍ କରି ବିଜେପିର ଏହି ବରିଷ୍ଠ ନେତା ସୁବ୍ରମଣ୍ୟମ୍ ସ୍ୱାମୀ ମୁଖ୍ୟମନ୍ତ୍ରୀଙ୍କୁ ପ୍ରଶଂସା କରିବା ସହ ଓଡ଼ିଶା ବିଧାନସଭାର ବିଜ୍ଞ ପଦକ୍ଷେପକୁ ମଧ୍ୟ ପ୍ରଶଂସା କରିଛନ୍ତି । ସେ ଟ୍ୱିଟ୍ରେ ଆହୁରି ମଧ୍ୟ ଉଲ୍ଲେଖ କରିଛନ୍ତି ପୂର୍ବରୁ ଓଡିଶାର ଐତିହ୍ୟ ସମ୍ପର୍କରେ ଅଶାଳୀନ ମନ୍ତବ୍ୟ ଦେଇ ହରଡଘଣାରେ ପଡିଥିଲେ ଅଭିଜିତ ଆୟାର ।
ଅନ୍ୟପକ୍ଷରେ ତାଙ୍କ ବିରୋଧରେ ବିଚାର ଚାଲିଥିବାବେଳେ ଅଭିଜିତଙ୍କ ଓକିଲଙ୍କୁ ଭତ୍ସନା କରି ସିଜେଆଇ ତାଙ୍କ ପାଇଁ ଜେଲ୍ ସୁରକ୍ଷିତ ସ୍ଥାନ ବୋଲି କହିଥିଲେ । ଏତେସବୁ ପରେ ମଧ୍ୟ ରାଜ୍ୟ ସରକାର ଅଭିଜିତଙ୍କୁ କ୍ଷମା କରିବା ସହ ତାଙ୍କ ଉପରୁ ମାମଲା ପ୍ରତ୍ୟାହାର କରି ନିଜ ବିଶାଳ ହୃଦୟର ପରିଚୟ ଦେଇଥିବା ନେଇ ସେ ପ୍ରକାଶ କରିଛନ୍ତି ।