ପୁରୀ: ସାରା ରାଜ୍ୟରେ ବନ୍ୟାର ବିଭୀଷିକା ଦେଖାଦେଇଛି । ଏହା ମଧ୍ୟରେ ରିଲିଫ ବାଣ୍ଟିବାକୁ ଯାଉଥିବା ବେଳେ ଡଙ୍ଗା ଓଲଟିପଡିବାର ଖବର ସାମ୍ନାକୁ ଆସିଛି । ଗତକାଲି ଗୋପ ବ୍ଲକରୁ ଏଭଳି ଏକ ଚିତ୍ର ଦେଖିବାକୁ ମିଳିଥିଲା । ଗୋପ ବ୍ଲକ ନାଗପୁର ପଞ୍ଚାୟତରେ ଡଙ୍ଗାଟି ଓଲଟିପଡିଛି ।
କିନ୍ତୁ ଡଙ୍ଗା ଓଲଟିବାରୁ କାହାର କିଛି କ୍ଷତି ହୋଇନାହିଁ । ଗୋପ ବ୍ଲକର ନାଗପୁର ପଞ୍ଚାୟତର ଖଣ୍ଡିଆକୁଦା ଠାରେ ହୋଇଥିବା ଘାଇରେ ଖଣ୍ଡିଆକୁଦ ସମେତ ଅନେକ ଗାଁ ବାହ୍ୟଜଗତରୁ ବିଚ୍ଛିନ୍ନ ହୋଇଛି । ବିଜେପି ରାଜ୍ୟ ଉପସଭାନେତ୍ରୀ ପ୍ରଭାତି ପରିଡା ଓ ପୂର୍ବତନ ସାଂସଦ ବିଭୁପ୍ରସାଦ ତରାଇଙ୍କ ସହ କିଛି କର୍ମୀ ରିଲିଫ ବାଣ୍ଟିବାକୁ ଆସିଥିଲେ ।
ପାୱର ବୋଟରେ ପ୍ରଭାତି ପରିଡା ଓ ପୂର୍ବତନ ସାଂସଦଙ୍କ ସମେତ ଅନ୍ୟ କିଛି କର୍ମୀ ଥିବାବେଳେ ଅନ୍ୟ ଏକ ଡଙ୍ଗାରେ ୨୫ ରୁ ଅଧିକ ବିଜେପି କର୍ମୀ ଥିଲେ । କିନ୍ତୁ ଡଙ୍ଗାଟି ବନ୍ୟାସ୍ରୋତରେ ଭାରସାମ୍ୟ ହରାଇ ଓଲଟି ପଡିଥିଲା । ଓଡ୍ରାଫ ଟିମର କର୍ମଚାରୀମାନେ ସମସ୍ତଙ୍କୁ ଉଦ୍ଧାର କରିଥିଲେ । ଏହି ଅଘଟଣରେ ଡଙ୍ଗାରେ ଥିବା ବିଜେପି କର୍ମୀ ମାନଙ୍କ କଛି କ୍ଷତି ହୋଇନଥିବାର ସୂଚନା ନିଳିଛି ।
