ଜୟପୁର: ମୁଖ୍ୟମନ୍ତ୍ରୀଙ୍କ ଜନ୍ମଦିନକୁ ନେଇ ଆଜି ଜୟପୁର ସହରରେ ରକ୍ତଦାନ ଶିବିର ଅନୁଷ୍ଠିତ ହୋଇଯାଇଛି । କରୋନା ମହାମାରୀ କାଳରେ ରକ୍ତର ଘୋର ଅଭାବ ଦେଖିଦେଇଛିା କରୋନାକୁ ଭୟ କରି କେହି ରକ୍ତଦାନ କରୁନାହାନ୍ତି । ଫଳରେ ରକ୍ତର ଅଭାବ ଯୋଗୁଁ ଅନେକ ରୋଗୀ ଅକାଳରେ ମୃତ୍ୟୁ ବରଣ କରୁଛନ୍ତି ।ଏହାକୁ ଦୃଷ୍ଟିରେ ରଖି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ରକ୍ତବିନ୍ଦୁ କାର୍ଯ୍ୟକ୍ରମ ଅନୁଯାୟୀ ଆଜି ବୋରିମ୍ମା ବ୍ଲକ କାମରା ଠାରେ ରକ୍ତଦାନ ଶିବିରି ଅନୁଷ୍ଠିତ ହୋଇଯାଇଛି । ସକାଳ ୯ଟା ଠାରୁ ଅପରାହ୍ନ ୨ଟା ପର୍ଯ୍ୟନ୍ତ ଅନୁଷ୍ଠିତ ହୋଇଥିଲା ଶିବିର । ଏହି କାର୍ଯ୍ୟକ୍ରମରେ ୫୦ ୟୁନିଟ ରକ୍ତ ସଂଗ୍ରହ କରାଯାଇଥିଲା ।
ଜିଲାସଭାପତି ଈଶ୍ୱରଚନ୍ଦ୍ର ପାଣିଗ୍ରାହୀ ଙ୍କ ତତ୍ୱାଧାନରେ କାର୍ଯ୍ୟକ୍ରମ ଅନୁଷ୍ଠିତ ହୋଇଥିବା ବେଳେ ମୁଖ୍ୟ ଅତିଥି ଭାବେ ମନ୍ତ୍ରୀ ପଦ୍ମିନୀ ଦିଆନ ,ନବରଙ୍ଗପୁର ସାଂସଦ ରମେଶ ମାଝୀ, ଯୋଗଦେଇ ଥିଲେ। ସଭାପତି ଏବଂ ବିହନ ନିଗମ ଅଧ୍ୟକ୍ଷ ଈଶ୍ୱର ପାଣିଗ୍ରାହୀ, ନିର୍ବାଚନ ମଣ୍ଡଳୀ ର ଅବଜେର୍ଭର ମୁନା ରଥ, ପ୍ରମୁଖ ଯୋଗ ଦେଇଥିଲେ।।
ସହୀଦ ଲକ୍ଷ୍ମଣ ନାୟକ ମେଡ଼ିକାଲ କଲେଜ ରହିଥିବା ଯୋଗୁଁ ରକ୍ତର ଘୋର ଅଭାବ ଦେଖାଦେଉଛି । ସେଥିପାଇଁ ପ୍ରତ୍ୟେକ ପଞ୍ଚାୟତରେ ଜୀବନ ବିନ୍ଦୁ କାର୍ଯ୍ୟକ୍ରମ ଅନୁଷ୍ଠିତ କରାଯାଉଥିବା କହିଛନ୍ତି ଈଶ୍ୱର ପାଣିଗ୍ରାହୀ । ଗରିବ ଲୋକଙ୍କ ରକ୍ତ ଅଭାବ କୁ ଦୂର କରିବା ପାଇଁ ଏହି ରକ୍ତଦାନ ଶିବିର ହେଉଥିବା ମନ୍ତ୍ରୀ ପଦ୍ମନି ଦୀଆନ ଓ ସାଂସଦ ରମେଶ ମାଝୀ କହିଛନ୍ତି ।ସେପଟେ ଅନେକ ସମୟ ରେ ଅଭାବ କୁ ନେଇ ଅନେକ ଜୀବନ ଯାଉଛି। ଏଣୁ ରକ୍ତ ଦାନ କରି ଅନ୍ୟ ଜୀବନ ବଞ୍ଚାଇ ବାରେ କିଛିଟା ସୁଯୋଗ ପାଇଥିବାରୁ ଖୁସି ଥିବା କହିଛନ୍ତି ରକ୍ତଦାତା।
Comments are closed.