ଭୁବନେଶ୍ବର: ଆପଣ କେବେ ଲାଉ ରସ ପିଇଛନ୍ତି କି? ଯଦି ପିଇ ନାହାଁନ୍ତି, ତେବେ ଆପଣଙ୍କୁ ପୋଷକତତ୍ତ୍ୱରେ ଭରପୂର ଏହି ରସ ପିଇବା ଉଚିତ୍ । ଲାଉରେ ପାଣି, ଫାଇବର, ଭିଟାମିନ ସି, ଭିଟାମିନ ବି, ଆଇରନ, ପୋଟାସିୟମ, ମ୍ୟାଗ୍ନେସିୟମ ଏବଂ ପ୍ରୋଟିନ ପରି ଅନେକ ପୋଷକତତ୍ତ୍ୱ ରହିଛି। ସ୍ୱାସ୍ଥ୍ୟ ବିଶେଷଜ୍ଞଙ୍କ ମତରେ, ଯଦି ଆପଣ ଡାଏଟ୍ ରେ ଲାଉ ରସକୁ ସାମିଲ କରନ୍ତି, ତେବେ ଆପଣଙ୍କ ସ୍ୱାସ୍ଥ୍ୟରେ ବହୁତ ଉନ୍ନତି ଆସିବ ।
ଯଦି ଆପଣ ନିଜ ଶରୀରକୁ ଡିଟକ୍ସାଇଫ୍ କରିବାକୁ ଚାହାଁନ୍ତି, ତେବେ ଆପଣ ଲାଉ ରସ ପିଇବା ଆରମ୍ଭ କରିପାରିବେ। ଲାଉ ରସକୁ ସଠିକ ପରିମାଣରେ ଏବଂ ସଠିକ୍ ଉପାୟରେ ପିଇବା ଦ୍ୱାରା, ଶରୀରରୁ ବିଷାକ୍ତ ପଦାର୍ଥ ବାହାର କରାଯାଇପାରିବ। କମ୍ କ୍ୟାଲୋରୀ ଏବଂ ଫାଇବରଯୁକ୍ତ ଲାଉ ରସ ଆପଣଙ୍କ ଓଜନ ହ୍ରାସ କରିବାକୁ ସହାୟକ ହେବ ।
ଲାଉ ରସରେ ପ୍ରଚୁର ପରିମାଣରେ ଫାଇବର ମିଳିଥାଏ , ତେଣୁ ଏହି ରସ ଅନ୍ତନଳୀ ସ୍ୱାସ୍ଥ୍ୟ ପାଇଁ ଲାଭଦାୟକ ବୋଲି ବିବେଚନା କରାଯାଏ। କୋଷ୍ଠକାଠିନ୍ୟ, ଗ୍ୟାସ୍ ଏବଂ ଏସିଡିଟି ଭଳି ପେଟ ସମସ୍ୟାରୁ ମୁକ୍ତି ପାଇବା ପାଇଁ ଲାଉ ରସ ପିଇପାରିବେ।
ମଧୁମେହ ରୋଗୀଙ୍କୁ ମଧ୍ୟ ଲାଉ ରସ ପିଇବାକୁ ପରାମର୍ଶ ଦିଆଯାଏ। ପ୍ରକୃତରେ, ଲାଉ ରସ ପିଇବା ଦ୍ୱାରା ରକ୍ତରେ ଶର୍କରା ସ୍ତର ନିୟନ୍ତ୍ରଣ କରାଯାଇପାରିବ। ଏଥିସହ ରକ୍ତଚାପ ନିୟନ୍ତ୍ରଣ କରିବାକୁ ଆପଣଙ୍କ ଖାଦ୍ୟରେ ଲାଉ ରସ ସାମିଲ କରନ୍ତୁ।
କୋଲେଷ୍ଟ୍ରଲ୍ ସ୍ତରକୁ ନିୟନ୍ତ୍ରଣ କରିବା ପାଇଁ ଏହି ଲାଉ ରସ ପିଇ ପାରିବେ । ଲାଉ ରସରେ ମିଳୁଥିବା ସମସ୍ତ ପୁଷ୍ଟିକର ପୋଷକ ତତ୍ତ୍ୱ ଗମ୍ଭୀର ଏବଂ ଜୀବନଘାତକ ହୃଦ୍ରୋଗର ଆଶଙ୍କା ହ୍ରାସ କରିବାରେ ମଧ୍ୟ ସାହାଯ୍ୟ କରେ ।
Comments are closed.