ଯୁବରାଜଙ୍କ ବ୍ୟାଟିଂ ମନେ ପକାଇଲେ ବର୍ଲ

ହରାରେ: ଜିମ୍ବାୱେର ରେୟାଲ ବର୍ଲ ଧୂଆଁଧାର ବ୍ୟାଟିଂ କରି ଭାରତର ଯୁବରାଜ ସିଂଙ୍କୁ ମନେ ପକାଇ ଦେଇଛନ୍ତି । ବାଂଲାଦେଶ ବିପକ୍ଷରେ ବର୍ଲ ନସୁମ ଅହମ୍ମଦଙ୍କ ଗୋଟିଏ ଓଭରରେ ୩୪ ରନ ସଂଗ୍ରହ କରିଥିଲେ । ଟି୨୦ କ୍ରିକେଟ ଇତିହାସରେ ତୃତୀୟ ଥର ପାଇଁ ଗୋଟିଏ ଓଭରରେ ୬ଟି ଯାକ ବଲରେ ବାଉଣ୍ଡରୀ ମରାଯାଇଛି । ବର୍ଲ ଏହି ଓଭରରେ ୫ ଛକା ଓ ଗୋଟିଏ ଚୌକା ମାରିଥିଲେ । ପୂର୍ବରୁ ଯୁବରାଜ ସିଂ ଓ କିରନ ପୋଲାର୍ଡ ୬ଟି ଯାକ ବଲରେ ବାଉଣ୍ଡରୀ ମାରିଛନ୍ତି । ବ୍ରଡଙ୍କ ଗୋଟିଏ ଓଭରରେ ଯୁବି ୬ଟି ଛକା ମାରିଥିଲେ । ନସୁନ ଏଥିସହ ଟି୨୦ରେ ୪ର୍ଥ ମହଙ୍ଗା ବୋଲର ସାବ୍ୟସ୍ତ ହୋଇଛନ୍ତି । ଅନ୍ୟମାନେ ହେଲେ ବ୍ରଡ(୩୬), ଅକିଲା ଧନଂଜୟ (୩୬) ଓ ଭାରତର ଶିବମ ଦୁବେ (୩୪) । ଜିମ୍ବାୱେ ପ୍ରଥମ ଥର ପାଇଁ ବାଂଲାଦେଶ ବିପକ୍ଷରେ ସିରିଜ ବିଜୟ ହାସଲ କରିଛି ।