ମୁମ୍ବାଇ: ଆଜିକାଲିର ଦୁନିଆରେ ଆମେ ନିଜର ମୌଳିକ ସୁବିଧାକୁ ପୁରା କରିବାକୁ ଯାଇ ଗାଡି କିଣୁଛି । ଯାହା ଆମକୁ ଯୋଗାଯୋଗରେ ସହାୟକ ହେଉଛି । ଆଜିକାଲି ପ୍ରାୟ ସବୁ ଲୋକଙ୍କ ଘରେ ଗାଡି ଥିବା ଆପଣମାନେ ଦେଖିଥିବେ । କିନ୍ତୁ ଏମିତି ଏକ ଗାଁ ଅଛି , ଯେଉଁଠାରେ ଲୋକଙ୍କ ପାଖରେ ଦୁଇ କିମ୍ବା ଚାରି ଚକିଆ ଯାନ ନାହିଁ, କିନ୍ତୁ ବିମାନ ଅଛି । ସେମାନଙ୍କ ପାଇଁ ଏହା ରାସ୍ତାରେ ଯିବା ଯେପରି ସ୍ୱାଭାବିକ । ଯଦି ସେମାନଙ୍କୁ ଛୋଟ କାମ ପାଇଁ କୁଆଡେ ଯିବାକୁ ପଡେ । ସେମାନେ କାର ପରିବର୍ତ୍ତେ ବିମାନ ଉଡିଯାଆନ୍ତି । କଥାଟା ଶୁଣିବାକୁ ଟିକେ ଆଶ୍ଚର୍ଯ୍ୟ ଲାଗୁଥିଲେ ବି ସତ ।
ଆମେରିକାର କାଲିଫର୍ନିଆରେ ଏପରି ଏକ ଗାଁ ଅଛି । ଯେଉଁଠାରେ ସମସ୍ତଙ୍କ ଘର ସାମ୍ନାରେ କାର ପାର୍କିଂ ବଦଳରେ ବିମାନ ପାର୍କିଂ କରାଯାଇଥାଏ । ସେମାନେ ଯେଉଁଠାକୁ ଯିବାକୁ ଚାହାଁନ୍ତି, ସେମାନେ ଏକ ବିମାନ ବାହାର କରି ଉଡ଼ିଯାଆନ୍ତି । ଏହି ସ୍ଥାନର ରାସ୍ତା ମଧ୍ୟ ରନୱେ ଭଳି ଦେଖାଯାଏ । କାଲିଫର୍ନିଆର କ୍ୟାମେରନ୍ ଏୟାର ପାର୍କ ନାମକ ସ୍ଥାନରେ କୌଣସି ସାଧାରଣ ରାସ୍ତା ନାହିଁ । କିନ୍ତୁ ବହୁତ ପ୍ରଶସ୍ତ ରାସ୍ତା ନିର୍ମାଣ କରାଯାଇଛି । ଯାହାଫଳରେ ବିମାନ ବନ୍ଦରରେ ପହଞ୍ଚିବା ପାଇଁ ରନୱେ ଭଳି ବ୍ୟବହାର କରାଯାଇପାରିବ । ଏଠାରେ ରହୁଥିବା ପ୍ରାୟ ସମସ୍ତ ଲୋକ ପାଇଲଟ୍ ଅଟନ୍ତି । ଏବଂ ସେମାନେ ନିଜେ ବିମାନ ଉଡ଼ାନ୍ତି । ଏହିପରି ଗାଁକୁ ଏକ ପ୍ରକାର ଫ୍ଲାଏ-ଇନ୍ ସମ୍ପ୍ରଦାୟ କୁହାଯାଏ ।
ଆମେରିକାରେ ୬୧୦ଟି ଏଭଳି ଏୟାର ପାର୍କ ଅଛି । ଯେଉଁଠାରେ ସେଠାରେ ରହୁଥିବା ଲୋକଙ୍କ ପାଖରେ ବିମାନ ଅଛି । ଏଠାରେ କେବଳ ଅବସରପ୍ରାପ୍ତ ସାମରିକ ପାଇଲଟ୍ ବାସ କରନ୍ତି। ୧୯୪୬ମସିହାରେ, ଆମେରିକାରେ ସମୁଦାୟ ୪ ଲକ୍ଷ ପାଇଲଟ ଥିଲେ । ଯେଉଁମାନେ ଏଭଳି ବିମାନବନ୍ଦରରେ ବାସ କରିବା ଆରମ୍ଭ କରିଥିଲେ । କ୍ୟାମେରନ୍ ପାର୍କ ମଧ୍ୟ ୧୯୬୩ ମସିହାରେ ନିର୍ମିତ ହୋଇଥିଲା । ଏବଂ ଏଥିରେ ସମୁଦାୟ ୧୨୪ଟି ଘର ଅଛି । ଏଠାରେ ଥିବା ସଡ଼କ ଏବଂ ରାସ୍ତା ଗୁଡ଼ିକର ବିମାନ ଯିବା ଅନୁକୂଳ ଅଟେ ।