ଟାଇମ୍ସ ହାଇଅର୍ ଏଡ୍ୟୁକେସନ୍ ‘ଓ୍ବାର୍ଲଡ ୟୁନିଭର୍ସିଟି ରାକିଂ ୨୦୨୬’ରେ ସେଞ୍ଚୁରିଅନ୍ ବିଶ୍ୱବିଦ୍ୟାଳୟର ଐତିହାସିକ ସଫଳତା

ଭୁବନେଶ୍ୱର: ସେଞ୍ଚୁରିଅନ୍ ବିଶ୍ୱବିଦ୍ୟାଳୟ ଏକ ଐତିହାସିକ ସଫଳତା ହାସଲ କରିଛି । ପ୍ରସିଦ୍ଧ ଟାଇମ୍ସ ହାଇଅର୍ ଏଡ୍ୟୁକେସନ୍ (THE) ‘ଓ୍ବାର୍ଲଡ ୟୁନିଭର୍ସିଟି ରାକିଂ ୨୦୨୬’ରେ ୟୁନିଭର୍ସିଟି ବିଶ୍ୱ ସ୍ତରରେ ୧୫୦୧+ ଓ ଜାତୀୟ ସ୍ତରରେ ୯୮ତମ ସ୍ଥାନ ଅଧିକାର କରିଛି । ଏହି ସଫଳତା ବିଶ୍ୱବିଦ୍ୟାଳୟ ପାଇଁ ଏକ ବିଶିଷ୍ଟ ମାଇଲଖୁଣ୍ଟ, କାରଣ ପୂର୍ବରୁ ଏହା ଦୁଇ ବର୍ଷ ଧରି THE ର “ରିପୋର୍ଟର ଲିଷ୍ଟ” ଏବଂ SDG ରାକିଂରେ ସମ୍ମିଳିତ ହୋଇଥିଲା ।

ଏହି ସଫଳତା ସେଞ୍ଚୁରିଅନ୍ ବିଶ୍ୱବିଦ୍ୟାଳୟର ଶିକ୍ଷା, ଗବେଷଣା, ନବୀନତା ଓ ସମାଜିକ ଅଙ୍ଗୀକାର କ୍ଷେତ୍ରରେ ବୃଦ୍ଧିଶୀଳ କ୍ଷମତାର ପ୍ରତିଫଳ । ଭାରତ ସ୍ତରରେ ୟୁନିଭର୍ସିଟି ଏବେ ଶୀର୍ଷ ୧୦୦ ୟୁନିଭର୍ସିଟି ମଧ୍ୟରେ ଥିବା ସହିତ ଶ୍ରେଷ୍ଠ ସରକାରୀ ଓ ବେସରକାରୀ ସଂସ୍ଥାଗୁଡ଼ିକଙ୍କ ମଧ୍ୟରେ ନିଜ ସ୍ଥାନ ସୁଦୃଢ କରିଛି ।

ସେଞ୍ଚୁରିଅନ୍ ବିଶ୍ୱବିଦ୍ୟାଳୟର ଏହି ସଫଳତା ଆନ୍ତର୍ଜାତୀୟ ମାନଦଣ୍ଡ ସହିତ ଶିକ୍ଷା ଗୁଣବତ୍ତା, ଗବେଷଣା ପ୍ରଭାବ ଓ ଜ୍ଞାନ ହସ୍ତାନ୍ତର ରେ ସମନ୍ୱୟର ସଂକେତ । ଏହି ୟୁନିଭର୍ସିଟିର ‘ସ୍କିଲ-ଇଣ୍ଟରଗ୍ରେଟେଡ ହାୟର ଏଡୁକେସନ’ ମଡେଲ୍, ଗ୍ରାମୀଣ ନବୀନତା ଓ ସମାଜିକ ଉଦ୍ୟମିତା ଉପରେ ଏହାର ଜୋର ଏହାକୁ ଭାରତର ଉଚ୍ଚ ଶିକ୍ଷା ମାନଚିତ୍ରରେ ଅନ୍ୟ ସଂସ୍ଥାଗୁଡ଼ିକ ଠାରୁ ପୃଥକ କରେ ।

ବିଶ୍ୱ ସ୍ତରରେ ସେଞ୍ଚୁରିଅନ୍ ବିଶ୍ୱବିଦ୍ୟାଳୟ ନିଜର ଗବେଷଣା ଓ ଶିକ୍ଷାକ୍ରମକୁ ଆନ୍ତର୍ଜାତୀୟ ମାନଦଣ୍ଡ ସହିତ ସୁଦୃଢ କରିବା ପାଇଁ ଲଗାତାର ପଦକ୍ଷେପ ଗ୍ରହଣ କରୁଛି । ଗ୍ରାମ ତରଙ୍ଗ ନିଯୁକ୍ତି ତାଲିମ ସେବା, ଶିଳ୍ପ-ପ୍ରାୟୋଜିତ ପ୍ରୟୋଗଶାଳା, ଓ ଷ୍ଟାର୍ଟଅପ୍ ଇକୋସିଷ୍ଟମ ପରି ପ୍ରୟାସଗୁଡ଼ିକ ଏହି ସଫଳତାରେ ଗୁରୁତ୍ୱପୂର୍ଣ୍ଣ ଅବଦାନ ରଖିଛି। ୟୁନିଭର୍ସିଟିର ଜାତିସଂଘର ସ୍ଥାୟୀ ବିକାଶ ଲକ୍ଷ୍ୟ (SDGs) ସହିତ ସକ୍ରିୟ ଅଙ୍ଗୀକାର ତାହାର ସସ୍ଥାୟୀ ଉନ୍ନୟନ ପ୍ରତିଶ୍ରୁତିକୁ ପ୍ରକାଶ କରେ ।

ଏହି ସଫଳତା ସମ୍ପର୍କରେ ସେଞ୍ଚୁରିଅନ୍ ବିଶ୍ୱବିଦ୍ୟାଳୟର ଉପକୁଳପତି ପ୍ରଫେସର (ଡ଼.) ସୁପ୍ରିୟା ପଟ୍ଟନାୟକ କହିଥିଲେ..

“ରିପୋର୍ଟର ଲିଷ୍ଟରୁ ଗ୍ଲୋବାଲ୍ ରାକିଂ ପର୍ଯ୍ୟନ୍ତ ଯିବା ଆମ ପାଇଁ ଏକ ଐତିହାସିକ ମୁହୂର୍ତ୍ତ । ଏହି ସ୍ୱୀକୃତି ଆମ ଲକ୍ଷ୍ୟକୁ ନିଶ୍ଚିତ କରେ- ଶିକ୍ଷାକୁ କୌଶଳ ସହିତ, ଗବେଷଣାକୁ ବାସ୍ତବ ଜଗତର ପ୍ରାସଙ୍ଗିକତା ସହିତ ଏବଂ ବିକାଶକୁ ସମାବେଶ ସହିତ ସେତୁ ଗଠନ କରିବା,” ଭାବରେ ଉପକୁଳପତି କହିଲେ ।

ଏହି ସଫଳତା ସେଞ୍ଚୁରିଅନ୍ ବିଶ୍ୱବିଦ୍ୟାଳୟର ମୂଳ ଉଦ୍ଦେଶ୍ୟକୁ- ଶିକ୍ଷା, ଦକ୍ଷତା ଓ ଶିଳ୍ପରେ ସେତୁ ସୃଷ୍ଟି କରିବା- ଆଗକୁ ଆଣିଛି, ଯାହା ଦ୍ୱାରା ବିଶେଷତଃ ଗ୍ରାମୀଣ ଓ ପ୍ରତିବଞ୍ଚିତ ଅଞ୍ଚଳର ଯୁବକ-ଯୁବତୀମାନେ ଚାକିରି, ଉଦ୍ୟମିତା ଓ ସମାଜିକ ପରିବର୍ତ୍ତନର ଅବସର ଅର୍ଜନ କରୁଛନ୍ତି ।