ନୂଆଦିଲ୍ଲୀ: ଚଣ୍ଡୀଗଡ଼ ସହରର ସେକ୍ଟର ୪୩ ISBT ବସ୍ ଷ୍ଟାଣ୍ଡ ନିକଟରୁ ସନ୍ଦିଗ୍ଧ IED ଏବଂ ଅନ୍ୟାନ୍ୟ ସାମଗ୍ରୀ ସହିତ ତିନି ଜଣ ଅଭିଯୁକ୍ତଙ୍କୁ ଗିରଫ କରାଯାଇଛି। ଚଣ୍ଡିଗଡ଼ ପୋଲିସ ଏକ ବିବୃତି ଜାରି କରି ଏହି ସୂଚନା ଦେଇଛି। ଏହି ଘଟଣାର ତଦନ୍ତ ଚାଲିଛି।
ପୋଲିସ୍ ସୂଚନା ଅନୁଯାୟୀ, ସେକ୍ଟର-୪୩ ବସ୍ ଷ୍ଟାଣ୍ଡ ନିକଟରେ ସନ୍ଦିଗ୍ଧ ବିସ୍ଫୋରକ ଥିବା ନେଇ ଖବର ମିଳିଥିଲା। ଏହି ସୂଚନା ପାଇବା ପରେ ପୋଲିସ୍ ଦଳ ଘଟଣାସ୍ଥଳରେ ପହଞ୍ଚି ସେହି ଅଞ୍ଚଳକୁ ଘେରାଉ କରିଥିଲା ଏବଂ ତଲାସୀ ଅଭିଯାନ ଚଳାଇଥିଲା। ଅଭିଯାନ ସମୟରେ ସନ୍ଦିଗ୍ଧ IED, ଅସ୍ତ୍ରଶସ୍ତ୍ର ଏବଂ ଅନ୍ୟାନ୍ୟ ସାମଗ୍ରୀ ଉଦ୍ଧାର କରାଯାଇଥିଲା। ଉଦ୍ଧାର କରାଯାଇଥିବା ସାମଗ୍ରୀଗୁଡ଼ିକୁ ଜବତ କରାଯାଇଛି ଏବଂ ଘଟଣାର ତଦନ୍ତ ଜାରି ରହିଛି।
ଚଣ୍ଡୀଗଡ଼ ପୋଲିସ୍ ସନ୍ଦିଗ୍ଧ IED (ଆଇଇଡି) ଏବଂ ଅସ୍ତ୍ରଶସ୍ତ୍ର ସମ୍ବନ୍ଧୀୟ ମାମଲାରେ ତିନି ଜଣ ବ୍ୟକ୍ତିଙ୍କୁ ଧରିଛି । ସେକ୍ଟର ୪୩ ସ୍ଥିତ ISBT ବସ୍ ଷ୍ଟାଣ୍ଡ ନିକଟରୁ ଏହି ସାମଗ୍ରୀଗୁଡ଼ିକ ଉଦ୍ଧାର କରାଯାଇଥିଲା। ସେକ୍ଟର ୩୬ ପୋଲିସ୍ ଷ୍ଟେସନରେ ଏକ ମାମଲା (FIR) ରୁଜୁ କରାଯାଇଛି ଏବଂ ତଦନ୍ତ ଜାରି ରହିଛି। ପ୍ରାଥମିକ ତଦନ୍ତରୁ ଚଣ୍ଡୀଗଡ଼ରେ କୌଣସି ଆତଙ୍କବାଦୀ ଘଟଣା ଘଟାଇବାର ଯୋଜନା ଥିବା ସନ୍ଦେହ କରାଯାଉଛି।
ବିସ୍ଫୋରକ ଓ ଅସ୍ତ୍ରଶସ୍ତ୍ର ସେମାନଙ୍କ ନିକଟକୁ କିପରି ପହଞ୍ଚିଲା ଏବଂ ସେଗୁଡ଼ିକ କେଉଁଠାରେ ବ୍ୟବହାର କରିବାର ଯୋଜନା ଥିଲା, ତାହା ଜାଣିବା ପାଇଁ ପୋଲିସ୍ ବର୍ତ୍ତମାନ ଗିରଫ ଅଭିଯୁକ୍ତମାନଙ୍କୁ ପଚରାଉଚରା କରୁଛି।
ଏହି ଘଟଣା ପରେ ସେକ୍ଟର-୪୩ ISBT ଏବଂ ଏହାର ଆଖପାଖ ଅଞ୍ଚଳରେ ସୁରକ୍ଷା ବ୍ୟବସ୍ଥା କଡ଼ାକଡ଼ି କରାଯାଇଛି।
ଏପଟେ ଚଣ୍ଡିଗଡ଼ ପୋଲିସ୍ କହିଛି ଯେ ଭୟଭୀତ କିମ୍ବା ଚିନ୍ତିତ ହେବାର କୌଣସି ଆବଶ୍ୟକତା ନାହିଁ। ପୋଲିସ୍ ବାହିନୀ ସମ୍ପୂର୍ଣ୍ଣ ସତର୍କ ରହିଛି ଏବଂ ଜନସାଧାରଣଙ୍କ ସୁରକ୍ଷା ନିଶ୍ଚିତ କରିବା ପାଇଁ ସମସ୍ତ ଆବଶ୍ୟକୀୟ ସୁରକ୍ଷା ଓ ସତର୍କତାମୂଳକ ପଦକ୍ଷେପ ଗ୍ରହଣ କରୁଛି । ନାଗରିକମାନଙ୍କୁ ଶାନ୍ତ ରହିବାକୁ ଏବଂ କୌଣସି ସନ୍ଦେହଜନକ କାର୍ଯ୍ୟକଳାପ ବିଷୟରେ ପୋଲିସକୁ ଜଣାଇବାକୁ ଅନୁରୋଧ କରାଯାଉଛି। ତଦନ୍ତର ସ୍ୱାର୍ଥ ଦୃଷ୍ଟିରୁ ଏବଂ ଆବଶ୍ୟକ ଯାଞ୍ଚ ପରେ ଅଧିକ ସୂଚନା ପ୍ରଦାନ କରାଯିବ।