କ୍ରିକେଟ କମେଂଟ୍ରିକୁ ଅଲବିଦା କହିଲେ ଇଆନ ଚ୍ୟାପେଲ

ମେଲବୋର୍ଣ୍ଣ: ଅଷ୍ଟ୍ରେଲିଆର ପୂର୍ବତନ ଅଧିନାୟକ ଇଆନ ଚ୍ୟାପେଲ ଆଜି କ୍ରିକେଟ କମେଂଟ୍ରିକୁ ଅଲବିଦା କହିଛନ୍ତି । ୪୫ ବର୍ଷ ଧରି ସେ କମେଂଟ୍ରି କରି ଆସୁଥିଲେ । ରିଚି ବେନୋ, ବିଲ ଲରୀ ଓ ଟୋନୀ ଗ୍ରେଗଙ୍କୁ ନେଇ ସେ ଏକ ଟିମ ଗଠନ କରିଥିଲା । ଯାହାଙ୍କ କମେଂଟ୍ରି କ୍ରିକେଟପ୍ରେମୀଙ୍କୁ ବେଶ ପସନ୍ଦ ଆସିଥିଲା । ୨୦୧୯ରେ ଚ୍ୟାପେଲ କର୍କଟ ରୋଗରେ ଆକ୍ରାନ୍ତ ହୋଇଥିଲେ । ଦୀର୍ଘ ଦିନ ଧରି ଚିକିତ୍ସିତ ହେବା ପରେ ସେ ଏଥିରୁ ମୁକୁଳିଥିଲେ । ୭୮ ବର୍ଷୀୟ ଚ୍ୟାପେଲ କିନ୍ତୁ ଏହି ସମୟ ମଧ୍ୟରେ ମନେ ମନେ ଏଥିରୁ ଅବସର ନେବା କଥା ଚିନ୍ତା କରୁଥିଲେ । ୧୯୬୪ରୁ ୮୦ ମଧ୍ୟରେ ସେ ଟେଷ୍ଟ କ୍ରିକେଟରେ ୫୩୪୫ ରନ ସଂଗ୍ରହ କରିଥିଲେ । ୩୦ଟି ମ୍ୟାଚରେ ସେ ଅଷ୍ଟ୍ରେଲିଆର ଅଧିନାୟକ ଭାର ସମ୍ଭାଳିଥିଲେ । ୩୦ଟି ଦିନିକିଆ ମ୍ୟାଚ ଖେଳିବା ପରେ ସେ ଅବସର ଘୋଷଣା କରିଥିଲେ ଏବଂ ଏହା ପରେ ପରେ କମେଂଟେଟର ଭାବେ କ୍ୟାରିୟର ଆରମ୍ଭ କରିଥିଲେ ।