ଅଭୁଲା ଗୀତ : ପରଦେଶୀ ବନ୍ଧୁ ତୁମେ

ସଙ୍ଗୀତ : ଅକ୍ଷୟ ମହାନ୍ତି
ଗାୟନ: ସିପ୍ରା ବୋଷ
ଗୀତ : ଦେବଦାସ ଛୋଟରାୟ
ଚଳଚ୍ଚିତ୍ର : କିଏ କାହାର, ୧୯୬୮

ପରଦେଶୀ ବନ୍ଧୁ ତୁମେ

ପରଦେଶୀ ବନ୍ଧୁ ତୁମେ
ଯିବ ଉଡ଼ିଉଡ଼ିକି
ଯିବ ଉଡ଼ିଉଡ଼ିକି
କିମ୍ପାଇଁ ବାନ୍ଧିଲି ମନ
ମିଛେ ତୁମ କତିରେ
କିମ୍ପାଇଁ ବାନ୍ଧିଲି ମନ
ମିଛେ ତୁମ କତିରେ
ଛାତି ମୋ ହୁଏ ଖାଲି କରତି
ତୁମ କଥା କେମିତି କେମିତି
ହାୟ
ତୁମ କଥା କେମିତି କେମିତି

କେଉଁଠି ସହର ତୁମ
କେଉଁଠି ରହଣୀ
ଗୋଟିଏ ପଲକେ ନେଲ
ଚୋରାଇ ଚାହାଁଣି
ସରମରେ କରି ମୋର
ସପନ ଛାଉଣୀ
ଏତେ ଗୋ ଆପଣା କଲ
କାହିଁକି କେଜାଣି

ପରଦେଶୀ ବନ୍ଧୁ ତୁମେ
ଯିବ ଉଡ଼ିଉଡ଼ିକି
ଯିବ ଉଡ଼ିଉଡ଼ିକି
କିମ୍ପାଇଁ ବାନ୍ଧିଲି ମନ
ମିଛେ ତୁମ କତିରେ
କିମ୍ପାଇଁ ବାନ୍ଧିଲି ମନ
ମିଛେ ତୁମ କତିରେ
ଜାଣିଛି ଶଠ ତୁମ ପୀରତି
ତୁମ କଥା କେମିତି କେମିତି
ହାୟ
ତୁମ କଥା କେମିତି କେମିତି

କଥାରେ ସତର ବାଙ୍କ
ଯାହାକୁ ଗୋ ଜଣା
ତା’ ଲାଗି ମରମ ମୋର
ମରି ହେଲା ଝୁଣା
ଯା ଲାଗି ଅଞ୍ଜନ କଲି ଗହନ ଗଞ୍ଜଣା
ସେନେହ ବିଅର୍ଥ ତାର
ସୋହାଗ ଅଲଣା

ପରଦେଶୀ ବନ୍ଧୁ ତୁମେ
ଯିବ ଉଡ଼ିଉଡ଼ିକି
ଯିବ ଉଡ଼ିଉଡ଼ିକି
କିମ୍ପାଇଁ ବାନ୍ଧିଲି ମନ
ମିଛେ ତୁମ କତିରେ
ଛାତି ମୋ ହୁଏ ଖାଲି କରତି
ତୁମ କଥା କେମିତି କେମିତି
ହାୟ
ତୁମ କଥା କେମିତି କେମିତି

ସୂର୍ଯ୍ୟ ଦେଓଙ୍କ ଓଡ଼ିଆ ସିନେମା ଗୀତ ୧୯୩୬-୬୯ ବହିରୁ

ନିଜ ମନ ପସନ୍ଦର ଗୀତ ପାଇଁ ନିମ୍ନ ଆଇଡିରେ ମେଲ କରନ୍ତୁ।
( editorodishasambad@gmail.com )