ଭୁବନେଶ୍ୱର: ଏମ୍ସରେ ସପ୍ତାହେ ଧରି ଚିକିତ୍ସିତ ହେବା ପରେ ବ୍ରହ୍ମପୁର ଲୋକସଭା ପ୍ରାର୍ଥୀ ପ୍ରଦୀପ ପାଣିଗ୍ରାହୀଙ୍କୁ ସୋମବାର ଡିସଚାର୍ଜ ହୋଇଛନ୍ତି। ବିଜେଡି ତାଙ୍କ ଉପରେ ଆକ୍ରମଣ ପାଇଁ ଷଡ଼ଯନ୍ତ୍ର ଓ ପ୍ରୋତ୍ସାହନ ଦେଉଥିବା ଅଭିଯୋଗ କରିଛନ୍ତି। ହିଞ୍ଜିଳି ବିଧାନସଭା ଆସନ ଓ ଆସ୍କା ଆସନ ବିଜେଡି ହାତରୁ ଖସି ଯାଉଥିବା ବେଳେ ଶାସକ ଦଳ ତାଙ୍କ ବିରୋଧରେ ଷଡ଼ଯନ୍ତ୍ର କରିବାକୁ ଯାଇ ସ୍ୱାଧୀନ ପ୍ରାର୍ଥୀ ପିଣ୍ଟୁ ଦାସଙ୍କୁ ବ୍ୟବହାର କରିଛି। ତେଣୁ ପୁଲିସ ଉପସ୍ଥିତିରେ ସେ ତାଙ୍କ ଉପରେ ଆକ୍ରମଣ କରିବାରେ ସଫଳ ହୋଇଥିଲା ବୋଲି ପ୍ରଦୀପ ପାଣିଗ୍ରାହୀ କହିଛନ୍ତି।
ଏପରିକି ହିଂସାକୁ ବରଦାସ୍ତ କରାଯିବନି ବୋଲି ପୋଲିସ ଡିଜି କହିଛନ୍ତି। ହେଲେ ସେ କେବଳ ନିର୍ବାଚନ କମିଶନଙ୍କୁ ଡରି ଏହା କହିଛନ୍ତି ବୋଲି ପ୍ରଦୀପ ପାଣିଗ୍ରାହୀ କହିଛନ୍ତି।
ବ୍ରହ୍ମପୁର ଗୋଷାଣୀନୂଆଗାଁ ବୁଥ୍ -୧୩୨ରେ ଇଭିଏମ୍ ଠିକ୍ ଭାବେ ସିଲ୍ ହୋଇଛି କି ନାହିଁ ପଚାରି ବୁଝିବାକୁ ଯାଇଥିବା ବେଳେ ପିଣ୍ଟୁ ଦାସ ତାଙ୍କୁ ଆକ୍ରମଣ କରିଥିଲେ। ଏସଡପିଓ ଉପସ୍ଥିତିରେ ପିଣ୍ଟୁ ଦାସ ଆକ୍ରମଣ କଲା। ଏହା ସତ୍ତ୍ୱେ ଏସଡିପିଓ କୈଣସି ପ୍ରକାର ସୁରକ୍ଷା ଯୋଗାଇନଥିଲେ। କିନ୍ତୁ ସେ ଅପ୍ରାସଙ୍ଗିକ ଉତ୍ତର ଦେଇଥିଲେ।
ପିଣ୍ଟୁ ଦାସ ପୂର୍ବରୁ ବ୍ରହ୍ମପୁର ବିଧାନସଭା ଆସନରୁ ବିଜେପି ଟିକେଟରେ ନିର୍ବାଚନ ଲଢ଼ିବାକୁ ଚାହୁଁଥିଲେ। ତାଙ୍କ ଇଚ୍ଛା ପୂରଣ ନ ହେବାରୁ ସେ ବିଜେଡି ସହ ମିଶି ସ୍ୱାଧୀନ ଭାବେ ନିର୍ବାଚନ ଲଢ଼ିଥିଲେ। ଯଦି ପିଣ୍ଟୁ ଦାସଙ୍କ ମୋବାଇଲ୍ ଫୋନ୍ ଯାଞ୍ଚ କରାଯାଏ କିମ୍ବା ଡାଟା ଖୋଳତାଡ ପାଇଁ ପଠାଯାଏ, ତେବେ ସତ ପଦାକୁ ଆସିବ ବୋଲି ଏହି ବିଜେପି ନେତା କହିଛନ୍ତି।
ତେବେ ଏଭଳି ଅଭିଯୋଗକୁ ଖଣ୍ଡନ କରିଛନ୍ତି ଗଞ୍ଜାମ ବିଜେଡି ସଭାପତି ରମେଶ ଚନ୍ଦ୍ର ଚ୍ୟାଉ ପଟ୍ଟନାୟକ । ଯାହା ଘଟିଛି ତାହା ବିଜେପି ନେତାଙ୍କ ମଧ୍ୟରେ ମତଭେଦର ପରିଣାମ। ଏହି ଘଟଣାକୁ ବିଜେଡି ସହ ଯୋଡ଼ିବା ଠିକ୍ ନୁହେଁ।