ତେଲେଙ୍ଗାନା: ଦେଶବ୍ୟାପୀ ଲକ୍-ଡାଉନ୍ ଘୋଷଣା । ହେଲେ ତେଲାଙ୍ଗାନାର ଜଣେ ମହିଳାଙ୍କୁ ଘରେ ରୋକିପାରିନଥିଲା କୌଣସି ନିୟମ ।
ନ୍ୟୁଜ ଏଜେନ୍ସି ANI ରିପୋର୍ଟ ଅନୁଯାୟୀ ତେଲେଙ୍ଗାନାର ସରକାରୀ ଶିକ୍ଷୟତ୍ରୀ ରଜିଆ ବେଗମ୍ । ସୋମବାର ସକାଳୁ ନିଜ ଦୁଇଚକିଆ ଯାନ ଧରି ଘରୁ ବାହାରିଥିଲେ । ପରଦିନ ମଙ୍ଗଳବାର ସଂଧ୍ୟାରେ ପହଂଚିଥିଲେ ଆନ୍ଧ୍ରର ନେଲୋର୍ ସହରରେ ।
Telangana: Razia Begum from Bodhan, Nizamabad rode around 1,400 km on a 2-wheeler to Nellore in Andhra Pradesh, to bring back her son who was stranded there. She says, “I explained my situation to Bodhan ACP & he gave me a letter of permission to travel”. (9.4.20) #CoronaLockdown pic.twitter.com/JHfRbdjOa1
— ANI (@ANI) April 10, 2020
ବୁଲିବା ପାଇଁ ନୁହେଁ କି କୌଣସି ସାମଗ୍ରୀ ପାଇଁ ନୁହେଁ, ବରଂ ନିଜ ୧୭ ବର୍ଷୀୟ ପୁଅ ମହମ୍ମଦ ନିଜାମୁଦ୍ଦିନକୁ ଆଣିବା ପାଇଁ ସେ ତେଲେଙ୍ଗାନାରୁ ଆନ୍ଧ୍ରରେ ପହଂଚିଥିଲେ । ସାଙ୍ଗ ଘରକୁ ଯାଇଥିବା ରଜିଆଙ୍କ ପୁଅ ଲକ୍-ଡାଉନ୍ ଘୋଷଣା ହେବା ପରେ ସେଠି ଫସିରହିଥିଲେ ।
ବୁଧବାର ଦିନ ମା’ଙ୍କ ସହ ନିଜ ଘରକୁ ଫେରିଥିଲେ ନିଜାମୁଦ୍ଦିନ । ପ୍ରାୟ ୧୪୦୦ କିମି ଗାଡି ଚଳାଇଥିବା ରଜିଆ ବେଗମ ସାଥିରେ ନେଇଥିଲେ ମାତ୍ର କେଇଟା ରୁଟି । ଲକ୍-ଡାଉନ୍ ନିୟମ ଓ ରାତିରେ ଶୁନଶାନ ରାସ୍ତା ତାଙ୍କୁ ଭୟଭୀତ କରାଇପାରିନଥିଲା ।
ତେବେ କୌଣସି ନିୟମ ଭାଙ୍ଗି ନୁହେଁ ବରଂ ବୋଧନ ଏସିପିଙ୍କଠାରୁ ଅନୁମତି ପତ୍ର ନେଇ ସେ ଘରୁ ବାହାରିଥିଲେ । ରଜିଆଙ୍କ ଏପରି ସାହାସିକତାକୁ ସମଗ୍ର ଦେଶବାସୀ ତାରିଫ କରିଛନ୍ତି ।