ନୂଆଦିଲ୍ଲୀ: ସ୍ବଦେଶୀ ଟିକା କୋଭାକ୍ସିନ କରୋନାର ନୂଆ ଷ୍ଟ୍ରେନ୍ ଡେଲ୍ଟା ଏବଂ ବିଟା ପାଇଁ ରକ୍ଷାକାରୀ। ଭରତ ବାୟୋଟେକ୍ ଦ୍ବାରା ପ୍ରସ୍ତୁତ କରୋନା ଟିକା କୋଭାକ୍ସିନ୍ କରୋନାର ଏହି ମାରାତ୍ମକ ଭୂତାଣୁରୁ ସୁରକ୍ଷା ପ୍ରଦାନ କରିଥାଏ।
ଏ ନେଇ ପୁଣେ ନ୍ୟାସନାଲ୍ ଇନଷ୍ଟିଚ୍ୟୁଟ୍ ଅଫ୍ ଭାଇରୋଲୋଜିର ବିଶେଷଜ୍ଞମାନେ ଏବଂ ଇଣ୍ଡିଆନ୍ କାଉନସିଲ୍ ଅଫ୍ ମେଡିକାଲ୍ ରିସର୍ଚ୍ଚ (ଆଇସିଏମ୍ଆର୍) ଦାବି କରିଛି।
ଯେତେବେଳେ ଡେଲଟା ଭାରିଆଣ୍ଟ (B.1.617.2) ପ୍ରଥମେ ଭାରତରେ ଚିହ୍ନଟ ହୋଇଥିଲା ଏବଂ ଦେଶରେ ଏହା ପ୍ରାଧାନ୍ୟ ବିସ୍ତାର କରିଥିଲା ସେତେବେଳେ ବିଟା ଭାରିଆଣ୍ଟ (B.1.351) ପ୍ରଥମେ ଦକ୍ଷିଣ ଆଫ୍ରିକାରେ ଆବିଷ୍କୃତ ହୋଇଥିଲା।
ଏହି ଅଧ୍ୟୟନରେ ୨୦ ଟି କରୋନାରୁ ଆରୋଗ୍ୟ ଲାଭ କରିଥିବା ମାମଲାରୁ ସଂଗୃହିତ ସେରାରୁ ପରୀକ୍ଷା କରାଯାଇଥିଲା। ସେଥିରୁ ୧୭ ଜଣ ଡେଲ୍ଟା ଏବଂ ବିଟା ଭାରିଆଣ୍ଟ ବିରୁଦ୍ଧରେ ୨ଟି ଡୋଜ କୋଭାକ୍ସିନ ଟିକା ଗ୍ରହଣ କରିଥିଲେ।
ଅଧ୍ୟୟନ ଅନୁଯାୟୀ, କୋଭାକ୍ସିନ୍ ଏହି ଦୁଇଟି ପ୍ରକାର ଭାରିଆଣ୍ଟ ବିରୁଦ୍ଧରେ ପ୍ରତିରକ୍ଷା ପ୍ରତିକ୍ରିୟା ପ୍ରଦର୍ଶନ କରିଥିଲା।
Comments are closed.