ପୁରୀ: ଓଡିଶାରେ ଦିନକୁ ଦିନ କରୋନାର ପ୍ରକୋପ ବଢୁଥିବା ବେଳେ ଭୁବନେଶ୍ୱର, କଟକ, ଭଦ୍ରକ ଓ ଯାଜପୁର ପରେ ଏବେ ପୁରୀ ଜିଲ୍ଲାର ପିପିଲି ବ୍ଲକର ଦାନଗହିର ଗ୍ରାମକୁ ୧୧ ଦିନ ଲାଗି ସଟ୍ ଡାଉନ୍ ଘୋଷଣା କରାଯାଇଛି ।
ଏହି ଗ୍ରାମରେ ଜଣେ କରୋନା ଆକ୍ରାନ୍ତ ବ୍ୟକ୍ତିଙ୍କୁ ଚିହ୍ନଟ କରାଯିବାପରେ ଜିଲ୍ଲା ପ୍ରଶାସନ ପକ୍ଷରୁ ଏହି ପଦକ୍ଷେପ ଗ୍ରହଣ କରାଯାଇଛି ।
The Puri District Administration today declared Danagohir village in Pipili block as a containment zone and sealed the entire area as a precautionary measure to contain the spread of #COVID19.#PuriFightsCOVID29#StayHomeStaySafe #PuriCares pic.twitter.com/3YwGpw2DPR
— PuriOfficial (@Puri_Official) April 4, 2020
ଏନେଇ ମଧ୍ୟ ଟ୍ୱିଟ୍ କରିଛନ୍ତି ପୁରୀ ପ୍ରଶାସନ।
ପ୍ରାପ୍ତ ସୂଚନାନୁଯାୟୀ ଆଜିଠାରୁ ଆସନ୍ତା ୧୪ ତାରିଖ ମଧ୍ୟରାତ୍ର ଯାଏଁ ଏହି ସଟ୍ ଡାଉନ ଜାରି ରହିବାକୁ ଥିବା ବେଳେ ଉକ୍ତ ଅଞ୍ଚଳର ଚତୁଃପାଶ୍ୱର୍କୁ ଆବଦ୍ଧ ଅଞ୍ଚଳ ଭାବେ ମଧ୍ୟ ଘୋଷଣା କରାଯାଇଛି । ଯାହାଫଳରେ କୌଣସି ବ୍ୟକ୍ତି ଗ୍ରାମ ବାହାରକୁ ଯିବେନି କି ବାହାର ବ୍ୟକ୍ତିମାନଙ୍କୁ ମଧ୍ୟ ପ୍ରବେଶ ପାଇଁ ବାରଣ କରାଯାଇଛି ।
ଉକ୍ତ ଅଞ୍ଚଳର ସମସ୍ତ ସରକାରୀ, ବେସରକାରୀ ଅନୁଷ୍ଠାନ, ଦୋକାନ ବଜାର ବନ୍ଦ ରହିବା ସହ ଲୋକଙ୍କୁ ଘରୁ ବାହାରକୁ ବାହାରିବା ଲାଗି ମଧ୍ୟ ମନା କରାଯାଇଛି ।
ଏହାବ୍ୟତୀତ ସମ୍ପୃକ୍ତ ଅଞ୍ଚଳକୁ ଅତ୍ୟାବଶ୍ୟକ ସାମଗ୍ରୀ ଯୋଗାଣ କରିବା ପାଇଁ ପୁରୀ ଉପ-ଜିଲ୍ଲାପାଳଙ୍କୁ ଦାୟିତ୍ୱ ଦିଆଯାଇଥିବା ନେଇ ସୂଚନା ମିଳିଛି ।