ନୂଆଦିଲ୍ଲୀ: ଅନ୍ୟ ଦେଶମାନଙ୍କ ଦ୍ବାରା କରାଯାଇଥିବା ସେରୋ ସର୍ବେକ୍ଷଣକୁ ଦର୍ଶାଇ ହୁ ମୁଖ୍ୟ ବୈଜ୍ଞାନିକ କହିଛନ୍ତି ଯେ ସମ୍ଭାବ୍ୟ ତୃତୀୟ ଲହର ପିଲାମାନଙ୍କୁ ସଂକ୍ରମିତ କରିପାରେ ଏବଂ ସେମାନେ ଅନ୍ୟମାନଙ୍କୁ ସଂକ୍ରମଣ ମଧ୍ୟ କରିପାରନ୍ତି। କିନ୍ତୁ ଅଧିକାଂଶ କ୍ଷେତ୍ରରେ ଏହା ସାମାନ୍ୟ ହୋଇପାରେ। ସେ ଆହୁରି ମଧ୍ୟ କହିଛନ୍ତି ଯେ ଖୁବ୍ କମ୍ ପ୍ରତିଶତ ଲୋକ ଏହାର ଶିକାର ହୋଇପାରନ୍ତି ଏବଂ ଏହାଦ୍ବାରା ମୃତ୍ୟୁବରଣ କରିବା ଲୋକଙ୍କ ସଂଖ୍ୟା ମଧ୍ୟ କମ୍ ରହିବ।
ସେ କହିଛନ୍ତି, “କିନ୍ତୁ ଏଥିପାଇଁ ପୂର୍ବରୁ ପ୍ରସ୍ତୁତ ରହିବା ଭଲ।” ଡାକ୍ତରଖାନା ଶିଶୁମାନଙ୍କୁ ଭର୍ତ୍ତି ପାଇଁ ବ୍ୟାପକ ବ୍ୟବସ୍ଥା ପ୍ରସ୍ତୁତ ରହିବା ଉଚିତ। ଏଥିପାଇଁ ଶିଶୁମାନଙ୍କ ଲାଗି ଆଇସିୟୁ ପ୍ରସ୍ତୁତ ରଖିବା ଉଚିତ। ସେ କହିଛନ୍ତି ଯେ ପିଲାଙ୍କୁ ଆମେ ଭୟଭୀତ କରିବା ଉଚିତ୍ ନୁହେଁ।
କରୋନାଭାଇରସ୍ର ଚିକିତ୍ସା ପାଇଁ ବହୁଳ ଭାବରେ ବ୍ୟବହୃତ ହେଉଥିବା ଆଣ୍ଟିଭାଇରାଲ୍ ଔଷଧ ରେମଡେସିଭର୍ ବିଷୟରେ ହୁ ମୁଖ୍ୟ ବୈଜ୍ଞାନିକ କହିଛନ୍ତି ଯେ ଭେଣ୍ଟିଲେଟରରେ ପର୍ଯ୍ୟାପ୍ତ ପରିମାଣରେ ଅସୁସ୍ଥ ନଥିବା ସଂକ୍ରମିତ ରୋଗୀଙ୍କ ପାଇଁ ଏହାର “ସାମାନ୍ୟ ଲାଭ”। ସେ ଏହା ମଧ୍ୟ କହିଛନ୍ତି ଯେ ପରୀକ୍ଷଣରୁ ଜଣାପଡିଛି ଯେ ରେମଡେସିଭିର ମୃତ୍ୟୁହାରକୁ ହ୍ରାସ କରିନାହାଁନ୍ତି।
Comments are closed.