ଝାଡଖଣ୍ଡ: କରୋନା ମହାମାରୀ ପାଇଁ ଧୋନୀ ଦାନ କରିଥିଲେ ୧ ଲକ୍ଷ ଟଙ୍କା । ହେଲେ ଏବେ ମିଡିଆ ଉପରେ ବର୍ଷିଛନ୍ତି ତାଙ୍କ ଧର୍ମପତ୍ନୀ ସାକ୍ଷୀ ।
ଗୁରୁବାର ଏକ ଚାରିଟେବଲ ଟ୍ରଷ୍ଟକୁ ଧୋନୀ ୧ଲକ୍ଷ ଟଙ୍କା ସହାୟତା ରାଶି ଦେଇଥିବା ଖବର ପ୍ରଚାରିତ ପରେ ବହୁ ଭାରତୀୟ ଧୋନୀଙ୍କୁ ସମାଲୋଚନା କରିବାକୁ ପଛାଇନଥିଲେ । ଜଣେ ଧନୀ କ୍ରିକେଟର ହୋଇ ମଧ୍ୟ ମାତ୍ର ୧ ଲକ୍ଷ ଟଙ୍କା ଡୋନେସନ ଅନେକଙ୍କୁ ହଜମ ହୋଇନଥିଲା ।
ହେଲେ ଏବେ ମିଡିଆ ଉପରେ ବର୍ଷିବା ସହ ସମସ୍ତ ଟୁଇଟ୍କୁ କଡା ଜବାବ ଦେଇଛନ୍ତି ସାକ୍ଷୀ । ଏକ ଟୁଇଟ୍ ଜରିଆରେ ସାକ୍ଷୀ କହିଛନ୍ତି ଯେ, ଧୋନୀ କୌଣସି ପ୍ରକାର ଅର୍ଥରାଶି କାହାକୁ ସହାୟତା ଦେଇନାହାନ୍ତି । ଦୟାପୂର୍ବକ ମିଥ୍ୟା ଖବର ପ୍ରଚାର କରନ୍ତୁ ନାହିଁ ।
I request all media houses to stop carrying out false news at sensitive times like these ! Shame on You ! I wonder where responsible journalism has disappeared !
— Sakshi Singh ??❤️ (@SaakshiSRawat) March 27, 2020
ଗୁରୁବାର ଦିନ ଅନେକ ଗଣମାଧ୍ୟମ ଶିଖର ଧାୱନଙ୍କ ଡୋନେସନ୍ ଓ ଖାସ କରି ଧୋନୀଙ୍କ ୧ ଲକ୍ଷ ଟଙ୍କା ଡୋନେସନ ଖବରକୁ ପ୍ରକାଶ କରିଥିଲେ । ସେବେଠୁ ଅନେକ ଲୋକ ସୋସିଆଲ ମିଡିଆରେ ଧୋନୀଙ୍କୁ ଟ୍ରୋଲ୍ କରିଥିଲାବେଳେ ଜବାବ ରଖିଛନ୍ତି ସାକ୍ଷୀ ଧୋନୀ ।