ସାଉଦି ଆରବ : କରୋନା ମହାମାରୀ ସହ ଲଢୁଛି ସାରା ବିଶ୍ୱ । ଏହି ଲଢେଇ ଭିତରେ ଜଣେ ଡାକ୍ତରଙ୍କ ଭିଡିଓ ସୋସିଆଲ୍ ମିଡିଆରେ ଭାଇରାଲ୍ ହୋଇଛି ।
ସାଉଦିରେ କରୋନା ମହାମାରୀକୁ ରୋକିବା ଲାଗି ମେଡିକାଲ୍ ପ୍ରଫେସ୍ନାଲ୍ ମାନଙ୍କୁ ଦିନରାତି ଖଟିବାକୁ ପଡୁଛି । ତା ଛଡା ଏହି ଭାଇରସ୍ ଯେପରି ଅନ୍ୟ କାହାକୁ ସଂକ୍ରମିତ ନ କରେ, ସେ ପ୍ରତି ମଧ୍ୟ ବିଶେଷ ଧ୍ୟାନ ଦେବାକୁ ପଡିଥାଏ ।
#Watch: Saudi doctor weeps as he follows #socialdistancing advice as #COVID19 crisis continues and refuses to hug his child as he returns home from the hospital pic.twitter.com/KZvQtrOqAy
— arabnews (@arabnews) March 25, 2020
ଏହି ଭିଡିଓରେ ସାଉଦି ଡାକ୍ତର ହସ୍ପିଟାଲରୁ ଘରକୁ ଫେରିଛନ୍ତି । ତାଙ୍କ ପୁଅ ଆଲିଙ୍ଗନ କରିବାକୁ ଦୌଡି ଆସିଥିଲାବେଳେ ଡାକ୍ତର ଜଣକ ତାକୁ ଅଟକାଇଥିଲେ । ହେଲେ ହଠାତ୍ ସେହି ଡାକ୍ତର ଜଣକ ନିଜ ପୁଅକୁ ଆଲିଙ୍ଗନ କରିନପାରିବାର କଷ୍ଟକୁ ସହିନପାରି କାନ୍ଦି ପକାଇଥିଲେ ।
ଆରବ୍ ନ୍ୟୁଜ୍ ରିପୋର୍ଟ ଅନୁଯାୟୀ ଡାକ୍ତରଙ୍କ ପରିଚୟ ନାସିର୍ ଅଲ୍ଲି ଅଲ୍ ସେହରାନୀ । ଏହି ଭିଡିଓଟିକୁ ସାଧାରଣ ଜନତାଙ୍କୁ ସଚେତନ କରିବା ପାଇଁ ସୋସିଆଲ୍ ମିଡିଆରେ ଶେୟାର କରାଯାଇଛି ।