ପୁରୀ: ଭାରତୀୟ କ୍ରିକେଟରେ ଷ୍ଟାର ଖେଳାଳିଙ୍କ ମଧ୍ୟରେ ବିବାଦ ନୂଆ କଥା ନୁହେଁ । ତେବେ ଏହା ପଛରେ ଖେଳାଳିଙ୍କ ଗର୍ବ ଓ ଅହଂକାର ନାଁ ବିିସିସିଆଇ ଅଧିକାରୀ ଏବଂ ଚୟନକମିଟିର ମନୋମୁଖୀ କାରୋବାର ଜଡିତ ? ସେ ଯାହା ହେଉ ସୁନୀଲ ଗାଭାସ୍କର-କପିଳ ଦେବଙ୍କଠାରୁ ଆରମ୍ଭ କରି ବିରାଟ କୋହଲି-ରୋହିତ ଶର୍ମା ପର୍ଯ୍ୟନ୍ତ ଷ୍ଟାର ୱାର ଲାଗି ରହିଛି । ଆସନ୍ତୁ ନଜର ପକାଇବା…ସୁନୀଲ ଗାଭାସ୍କର-କପିଳ ଦେବ: ୧୯୮୪-୮୫ ଇଂଲଣ୍ଡ ଗସ୍ତ ଅବସରରେ ଭାରତୀୟ କ୍ରିକେଟର ଦୁଇ ମହାନ ଖେଳାଳି ସୁନୀଲ ଗାଭାସ୍କର ଓ କପିଳ ଦେବଙ୍କ ମଧ୍ୟରେ ବିବାଦ ଉପୁଜିଥିଲା । ଦ୍ୱିତୀୟ ଟେଷ୍ଟରେ ଇଂଲଣ୍ଡ ୮ ୱିକେଟରେ ଭାରତକୁ ହରାଇଥିଲା । କପିଳଙ୍କ ଦାୟିତ୍ୱହୀନ ଶଟକୁ ଗାଭାସ୍କର ଦାୟୀ କରିଥିଲେ । ଏହା ପରେ କୋଲକାତା ଟେଷ୍ଟରେ କପିଳଙ୍କୁ ବସା ଯାଇଥିଲା । ପ୍ରଶଂସକମାନେ ନୋ କପିଳ ନୋ ଟେଷ୍ଟ ସ୍ଲୋଗାନ ଦେଇଥିଲେ । ଗାଭସ୍କରଙ୍କ ଉପରକୁ ପୋଚା ଅଣ୍ଡା ଓ ଟମାଟୋ ପକାଇଥିଲେ । ଏହା ପରେ ଇଡେନ ଗାର୍ଡେନରେ ଗାଭାସ୍କର ଆଉ ଖେଳିବେ ନାହିଁ ବୋଲି ସଂକଳ୍ପ କରିଥିଲେ ।
ସଚିନ ତେନ୍ଦୁଲକର-ମହମ୍ମଦ ଆଝାରୁଦ୍ଦିନ: ୧୯୯୬ ବିଶ୍ୱକପ କ୍ରିକେଟରେ ଭାରତର ଖରାପ ପ୍ରଦର୍ଶନ ପରେ ସଚିନ ତେନ୍ଦୁଲକର ଓ ମହମ୍ମଦ ଆଝାରୁଦ୍ଦିନଙ୍କ ମଧ୍ୟରେ ବିବାଦ ଉପୁଜିଥିଲା । ବୋର୍ଡ ଆଝାରଙ୍କ ସ୍ଥାନରେ ସଚିନଙ୍କୁ ଅଧିନାୟକ କରିଥିଲା । ମାତ୍ର ୧୭ ଟେଷ୍ଟ ପରେ ସଚିନଙ୍କ ଖେଳ ପ୍ରଭାବିତ ହେବାରୁ ଆଝାରଙ୍କୁ ପୁନର୍ବାର ଅଧିନାୟକ କରାଯାଇଥିଲା । ଏହାର ବର୍ଷକ ପରେ ସଚିନ ପୁନର୍ବାର ଅଧିନାୟକ ହୋଇଥିଲେ ଏବଂ ଅଷ୍ଟ୍ରେଲିଆ ଗସ୍ତରେ ଆଝାର ଦଳରୁ ବାଦ ପଡିଥିଲେ ।ସୌରଭ ଗାଙ୍ଗୁଲି-ରାହୁଲ ଡ୍ରାଭିଡ: ଜୁନିୟର କ୍ରିକେଟରୁ ସୌରଭ ଗାଙ୍ଗୁଲି ଏବଂ ରାହୁଲ ଡ୍ରାଭିଡଙ୍କ ମଧ୍ୟରେ ପ୍ରତିଦ୍ୱନ୍ଦ୍ୱିତା ଲାଗି ରହିଥିଲା । ୧୯୯୬ରେ ଇଂଲଣ୍ଡ ବିପକ୍ଷରେ ଉଭୟ ଟେଷ୍ଟ ପଦାର୍ପଣ କରିଥିଲେ । ୨୦୦୦ରେ ଗାଙ୍ଗୁଲିଙ୍କୁ ଅଧିନାୟକ କରାଯାଇଥିଲା । କୋଚ ଭାବେ ଗ୍ରେଗ ଚ୍ୟାପେଲଙ୍କ ଏଂଟ୍ରି ଗାଙ୍ଗୁଲିଙ୍କ ପାଇଁ ମହଙ୍ଗା ସାବ୍ୟସ୍ତ ହୋଇଥିଲା । ବୋର୍ଡ ୨୦୦୫ରେ ଗାଙ୍ଗୁଲିଙ୍କୁ ହଟାଯାଇ ଡ୍ରାଭିଡଙ୍କୁ କ୍ୟାପଟେନ କରିଥିଲା । ଏହା ପରେ ଦାଦା ଦିନିକିଆ ଏବଂ ଟେଷ୍ଟରୁ ମଧ୍ୟ ବିଦା ହୋଇଥିଲେ ।ଧୋନୀ-ସେହ୍ୱାଗ-ଗମ୍ଭୀର: ୨୦୦୭ରେ ରାହୁଲ ଡ୍ରାଭିଡ ଅଧିନାୟକ ପଦରୁ ଇସ୍ତଫା ଦେବା ପରେ ମହେନ୍ଦ୍ର ସିଂ ଧୋନୀଙ୍କୁ ଅଧିନାୟକ କରାଯାଇଥିଲା । ୨୦୦୮ ଅଷ୍ଟ୍ରେଲିଆ ଗସ୍ତରେ ସେ ସିନିୟର ଖେଳାଳିଙ୍କ ପାଇଁ ରୋଟେଶନ ପଲିସି ଲାଗୁ କରିଥିଲେ । ସଚିନ ତେନ୍ଦୁଲକର, ବୀରେନ୍ଦ୍ର ସେହ୍ୱାଗ ଓ ଗୌତମ ଗମ୍ଭୀରଙ୍କ ମଧ୍ୟରୁ ଜଣଙ୍କୁ ଗୋଟିଏ ମ୍ୟାଚରେ ବସା ଯାଉଥିଲା । ଧୋନୀଙ୍କ ଏହି ବିବାଦୀୟ ନୀତିର ଆଲୋଚନା ହୋଇଥିଲା । ସିନିୟର ଖେଳାଳି ହେବା ସତ୍ୱେ ସେହ୍ୱାଗଙ୍କୁ ବୋର୍ଡ ଅଣଦେଖା କରି ଧୋନୀଙ୍କୁ ଅଧିନାୟକ କରିବା ଏହାର ମୂଳ କାରଣ ହୋଇଥିଲା । ଏହା ବ୍ୟତୀତ ରବି ଶାସ୍ତ୍ରୀ-ସୌରଭ ଗାଙ୍ଗୁଲି ଏବଂ ବିରାଟ କୋହଲି ଓ ଅନୀଲ କୁମ୍ବଲେଙ୍କ ବିବାଦ ମଧ୍ୟ କମ ନ ଥିଲା ।
BREAKING NEWS
- ପୁଣି ରାଜଭବନ ଆଗରେ ଗର୍ଜିଲା ଛାତ୍ର କଂଗ୍ରେସ
- ରାସ୍ତା କଡରେ ବଡା ପାଓ ବିକି ରୋଜଗାର କରୁଛନ୍ତି ବାର୍ଷିକ ୨୪ ଲକ୍ଷ ଟଙ୍କା, ଭାଇରଲ ହେଉଛି ଭିଡିଓ
- ଅସୁସ୍ଥତା ନେଇ ପ୍ରତିକ୍ରିୟା ରଖିଲେ ରତନ ଟାଟା
- ଲାଲୁ ପରିବାରଙ୍କୁ ମିଳିଲା ଆଶ୍ବସ୍ତି, ଜାମିନ ଦେଲେ ଦିଲ୍ଲୀ କୋର୍ଟ
- ପିଏଚଡି ପ୍ରାପ୍ତ ଷ୍ଟ୍ରିଟ୍ ଫୁଡ୍ ବିକ୍ରେତାଙ୍କ ପ୍ରଶଂସା କଲେ ଆନନ୍ଦ ମହିନ୍ଦ୍ରା, ଜାଣନ୍ତୁ…
- ଆଜି ଆସିବ ସୁଭଦ୍ରା ସହାୟତାର ଟଙ୍କାଏ
- ପୁଣି ଏକାଠି ନଜର ଆସିବେ ନିର୍ଦ୍ଦେଶକ ମଣିରତ୍ନମ ଓ ଅଭିନେତା ରଜନୀକାନ୍ତ
- ତୀବ୍ର ହେଲା ଓଏସଏସଏସସିକୁ ବିରୋଧ: ରାସ୍ତାକୁ ଓହ୍ଲାଇଲେ ପରୀକ୍ଷାର୍ଥୀ
- ଆଲୋଚନା କଲେ ମନ୍ତ୍ରୀ, ସ୍ବାଭାବିକ ରହିବ ବସ୍ ଚଳାଚଳ
- ପାର୍ବଣରେ ପରିବା ବଜାରରେ ନିଆଁ: ସେଞ୍ଚୁରି ମାରିଲା ଟମାଟୋ
Comments are closed.