‘ୟାସ୍’ ତାଣ୍ଡବ; କେନ୍ଦୁଝରରେ ଗଛ ପଡ଼ି ଜଣେ ମୃତ, ବାଲେଶ୍ୱରରେ ଭଙ୍ଗା ଘରେ ଫଶିଛି କୁନି ପୁଅ
ଭୁବନେଶ୍ୱର: ଉତ୍ତର ଉପକୂଳ ଓଡ଼ିଶାରେ ଅତି ଭୀଷଣ ବାତ୍ୟା ‘ୟାସ୍’ର ତାଣ୍ଡବ ଲାଗି ରହିଛି । କେନ୍ଦ୍ରାପଡ଼ାରୁ କେନ୍ଦୁଝର ସବୁଠୁ ବର୍ଷା ସହ ପବନର ବେଗ ବଢ଼ିବାରେ ଲାଗିଛି । କେନ୍ଦୁଝରରେ ବାତ୍ୟା ପବନରେ ଗଛପଡ଼ି ଯାଇ ଜଣଙ୍କ ମୃତ୍ୟୁ ହୋଇଥିବା ଜଣାପଡ଼ିଛି । ଆନନ୍ଦପୁର ବ୍ଲକ ପଞ୍ଚପଲ୍ଲୀ ଗାଁରେ ବାତ୍ୟା ପବନ ବେଳେ ଏହି ଅଘଟଣ ଘଟିଛି ।
ଅନ୍ୟପଟେ ବାଲେଶ୍ୱର ସହରର ରେଲୱେ କଲୋନୀରେ ମଧ୍ୟ ଅଘଟଣ ଘଟିଛି । ଘରେ ମାଆ ସହ ୨ ଝିଅ ଓ ପୁଅ ଶୋଇଥିବା ବେଳେ ଭୋର୍ ସମୟରେ ଗଛ ଘରେ ଉପରେ ପଡ଼ି ଯାଇଛି । କୌଣସି ମତେ ମାଆ ଓ ୨ ଝିଅ ଘରୁ ବାହାରି ପଡ଼ିଥିବା ବେଳେ ଛୋଟ ପୁଅଟି ଚାପି ହୋଇ ରହିଛି । ଘଟଣାସ୍ଥଳରେ ଅଗ୍ନିଶମ ବାହିନୀ ପହଞ୍ଚି ଗଛକୁ ହଟାଇ ଛୁଆଟିକୁ ଉଦ୍ଧାର କରିବାକୁ ଉଦ୍ୟମ ଜାରି ରଖିଛନ୍ତି ।
#CycloneYaas ବାତ୍ୟା ‘ୟାସ୍’ ପୂର୍ବ ଦିଗରେ ଧାମରା ଠାରୁ ୪୦ କିଲୋମିଟର ଦୂରରେ ଥିବା ବେଳେ ବାଲେଶ୍ୱରରୁ ଦକ୍ଷିଣ-ଦକ୍ଷିଣ ପୂର୍ବରେ ୯୦ କିଲୋମିଟର ଦୂରରେ ରହିଛି । ଦେଖନ୍ତୁ ଧାମରାରେ କିଭଳି ରହିଛି ସ୍ଥିତି…#CycloneYaasUPDATE #BayofBengal #OdishaSambad #OdishaSambadNews pic.twitter.com/4Uycy0cLXr
— Odisha Sambad (@Odisha_Sambad) May 26, 2021