Global arms smuggling network:ଦିଲ୍ଲୀରେ ଚୀନ୍, ଜର୍ମାନୀ ଏବଂ ତୁର୍କୀରେ ତିଆରି ହାଇଟେକ୍ ଅସ୍ତ୍ରଶସ୍ତ୍ର ଉଦ୍ଧାର;ରହିଛି ପାକ୍ ଲିଙ୍କ, ୧୦ ଗିରଫ

ନୂଆଦିଲ୍ଲୀ:ଦିଲ୍ଲୀ ପୋଲିସର କ୍ରାଇମବ୍ରାଞ୍ଚ ଆନ୍ତର୍ଜାତୀୟ ଅସ୍ତ୍ରଶସ୍ତ୍ର ଯୋଗାଣ କରୁଥିବା ଏକ ମଡ୍ୟୁଲର ପର୍ଦ୍ଦାଫାସ କରିଛି। ଦିଲ୍ଲୀ ପୋଲିସ କ୍ରାଇମବ୍ରାଞ୍ଚ ପାକିସ୍ତାନ,ନେପାଳ ଏବଂ ବାଂଲାଦେଶ ସହିତ ଲିଙ୍କ୍ ଥିବା ଏକ ପ୍ରମୁଖ ଆନ୍ତର୍ଜାତୀୟ ଅସ୍ତ୍ରଶସ୍ତ୍ର ଚାଲାଣ ମଡ୍ୟୁଲର ପର୍ଦ୍ଦାଫାସ କରିଛି। ଏହି ଗ୍ୟାଙ୍ଗ ସହିତ ଜଡିତ ଦଶ ଜଣଙ୍କୁ ଗିରଫ କରାଯାଇଛି। ସେମାନଙ୍କଠାରୁ ୨୧ଟି ବିଦେଶୀ ନିର୍ମିତ ପିସ୍ତଲ, ମେସିନ୍ ଗନ୍, ୨୦୦ ଜୀବନ୍ତ କାର୍ଟୁସ୍ ଏବଂ ସ୍ୱୟଂଚାଳିତ ପିସ୍ତଲ ଜବତ କରାଯାଇଛି।

ମିଳିଥିବା ସୂଚନା ଅନୁଯାୟୀ, ଏହି ଅସ୍ତ୍ରଶସ୍ତ୍ରଗୁଡ଼ିକ ପାକିସ୍ତାନରୁ ଭାରତ-ନେପାଳ ସୀମା ଦେଇ ଦେଶକୁ ଚୋରା ଚାଲାଣ କରାଯାଉଥିଲା। ଏହି ଅସ୍ତ୍ରଶସ୍ତ୍ରଗୁଡ଼ିକ ଦିଲ୍ଲୀ-ଏନସିଆର ଏବଂ ଅନ୍ୟାନ୍ୟ ରାଜ୍ୟର କୁଖ୍ୟାତ ଅପରାଧୀ ଗ୍ୟାଙ୍ଗଗୁଡ଼ିକୁ ଯୋଗାଣ କରାଯିବା ପାଇଁ ଉଦ୍ଦିଷ୍ଟ ଥିଲା। ଉଦ୍ଧାର ଅସ୍ତ୍ରଶସ୍ତ୍ରଗୁଡ଼ିକ ମଧ୍ୟରେ ଏକ PX-5.7 ପିସ୍ତଲ ଅନ୍ତର୍ଭୁକ୍ତ, ଯାହା ସାଧାରଣତଃ କେବଳ ସ୍ୱତନ୍ତ୍ର ବାହିନୀ (Special Forces) ଦ୍ୱାରା ବ୍ୟବହୃତ ହୁଏ ।

ବିଭିନ୍ନ ଦେଶର ଉଚ୍ଚମାନର ବିଦେଶୀ ଅସ୍ତ୍ରଶସ୍ତ୍ର ଉଦ୍ଧାର
-ଚେକ୍ ଗଣରାଜ୍ୟ – Shadow CZ, ସବ୍-ମସିନ୍ ଗନ୍
-ଇଟାଲୀ – Beretta
-ତୁର୍କୀ – ଷ୍ଟୋଏଜର ପିସ୍ତଲ
-ଚୀନ୍ – PX-3
-ବ୍ରାଜିଲ୍ – Taurus
-ଜର୍ମାନୀ – Walther
-PX-5.7 ପିସ୍ତଲ – ସ୍ୱତନ୍ତ୍ର ବାହିନୀ ଦ୍ୱାରା ବ୍ୟବହୃତ ଏକ ଉଚ୍ଚମାନର ଅସ୍ତ୍ର

ଉଦ୍ଧାର ହୋଇଥିବା PX-5.7 ପିସ୍ତଲ ଏବେ ସୁରକ୍ଷା ଏଜେନ୍ସିଗୁଡ଼ିକ ପାଇଁ ଏକ ବଡ଼ ଆଲର୍ଟ ବୋଲି ଧରାଯାଉଛି ।

ଏହି ଅସ୍ତ୍ରଶସ୍ତ୍ରଗୁଡ଼ିକ ପାକିସ୍ତାନରୁ ନେପାଳ ସୀମା ଦେଇ ଭାରତରେ ପ୍ରବେଶ କରିଥିଲା। ସେଠାରୁ ଏହି ଘାତକ ଅସ୍ତ୍ରଶସ୍ତ୍ରଗୁଡ଼ିକ ଦିଲ୍ଲୀ-ଏନସିଆରରେ ଅପରାଧୀ ଗ୍ୟାଙ୍ଗଗୁଡ଼ିକୁ ପଠାଯାଉଥିଲା। ପୋଲିସ ଏବେ ତଦନ୍ତ କରୁଛି ଯେ ଏହି ଅସ୍ତ୍ରଶସ୍ତ୍ରଗୁଡ଼ିକ କୌଣସି ବଡ଼ ଅପରାଧ କିମ୍ବା ଆତଙ୍କବାଦୀ କାର୍ଯ୍ୟକଳାପରେ ବ୍ୟବହାର କରାଯିବା ପାଇଁ ଉଦ୍ଦିଷ୍ଟ ଥିଲା କି ନାହିଁ।

କ୍ରାଇମ୍ ବ୍ରାଞ୍ଚ ଅନୁଯାୟୀ, ଏହି ଗ୍ୟାଙ୍ଗ୍ ଦୀର୍ଘ ଦିନ ଧରି ଦିଲ୍ଲୀ-ଏନସିଆର ଏବଂ ଅନ୍ୟାନ୍ୟ ଅନେକ ରାଜ୍ୟରେ ଅପରାଧୀ ଗ୍ୟାଙ୍ଗ୍ ଗୁଡ଼ିକୁ ଅସ୍ତ୍ରଶସ୍ତ୍ର ଯୋଗାଇ ଆସୁଛି। ଏହି ଅସ୍ତ୍ରଶସ୍ତ୍ର ମଧ୍ୟରୁ ଅନେକ ହାଇ-ପ୍ରୋଫାଇଲ୍ ଗୁଳିକାଣ୍ଡ ଏବଂ ଗ୍ୟାଙ୍ଗ୍ ଯୁଦ୍ଧରେ ବ୍ୟବହୃତ ହୋଇଥିବା ସନ୍ଦେହ କରାଯାଉଛି ।