ଆପ୍ (AAP) ସରକାର ବିରୋଧରେ କପିଲ ମିଶ୍ରାଙ୍କ ଖାଦ୍ୟ ଅଭାବ ଅଭିଯୋଗ; ଭିଡିଓ ଭାଇରାଲ୍ !
ନୂଆଦିଲ୍ଲୀ: ସୋସିଆଲ୍ ମିଡିଆରେ ଭାଇରାଲ୍ ହୋଇଛି ଦିଲ୍ଲୀର ଏକ ଭିଡିଓ । ଜାହାଙ୍ଗିରପୁରି ମ୍ୟୁନିସିପାଲ ସ୍କୁଲରେ ଖାଦ୍ୟ ବଣ୍ଟନ ନେଇ ବ୍ୟାପକ ଅବ୍ୟବସ୍ଥା । ଏପରିକି ଲୋକେ ସ୍କୁଲ ଗେଟ୍ ଭାଙ୍ଗିବା ସହ ଦଳାଚକଟାର ସମ୍ମୁଖୀନ ହୋଇଥିଲେ ।
खाने के लिए भागते, गिरते, मरते लोग
सीरिया, जिम्बाब्वे या रुवांडा नहीं
ये दिल्ली हैंजहांगीर पुरी, कोरोना हॉटस्पॉट
सरकारी खाना सेंटरभीड़ आती हैं, गेट बंद कर दिए जाते है
खाना कम, भीड़ ज्यादाये गरीबी का तमाशा यहां रोज होता है
करोड़ो के विज्ञापनों से मीडिया का मुंह बंद हैं pic.twitter.com/BKIGPK3N3F
— Kapil Mishra (@KapilMishra_IND) April 18, 2020
ଲକ୍-ଡାଉନ୍ ଆରମ୍ଭ ହେବାଠୁ ଦିଲ୍ଲୀର ଆପ୍ ସରକାର ଦିନ ମଜୁରିଆ ଓ ଗରିବ ଲୋକଙ୍କୁ ଖାଦ୍ୟ ବଣ୍ଟନ କରିଆସୁଛି । ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜରୀୱାଲଙ୍କ ଘୋଷଣା ଅନୁଯାୟୀ ଅସହାୟଙ୍କ ପାଇଁ ସ୍କୁଲ ଗୁଡିକ ରାତ୍ରୀ ବିଶ୍ରାମାଗାର ଓ ଖାଦ୍ୟ ବଣ୍ଟନ କେନ୍ଦ୍ରରେ ରୂପାନ୍ତରିତ ହୋଇଥିଲା ।
ବିଜେପି ନେତା କପିଲ ମିଶ୍ରା ଖୋଦ ଏହି ଭିଡିଓଟିକୁ ଟୁଇଟ୍ କରିବା ସହ ଦିଲ୍ଲୀ ସରକାରଙ୍କ ବିରୋଧରେ ଖାଦ୍ୟ ଅଭାବ ଅଭିଯୋଗ ଆଣିଛନ୍ତି ।ତେବେ ଉପ-ମଣ୍ଡଳ ମାଜିଷ୍ଟ୍ରେଟ ବୀରେନ୍ଦ୍ର ସିଂଙ୍କ ଅନୁଯାୟୀ ଏପ୍ରିଲ୍ ୧୭, ସଂଧ୍ୟାରେ କିଛି ଲୋକ ଦିନ ୩ଟାରୁ ସ୍କୁଲ ବାହାରେ ଖାଦ୍ୟ ପାଇଁ ଅପେକ୍ଷା କରିଥିଲେ । ଏହି ସମୟରେ ଖାଦ୍ୟ ପ୍ରସ୍ତୁତ ହୋଇଥିବା ନେଇ ମିଥ୍ୟା ଗୁଜବ ସୃଷ୍ଟି କରିଥିଲା । ଯାହା ଫଳରେ ଏଭଳି ପରିସ୍ଥିତି ସାମ୍ନାକୁ ଆସିଥିଲା । ଦଳାଚକଟାରେ କେହି ମୃତାହତ ହୋଇନଥିବା ଜଣାପଡିଛି ।