ବରଗଡ଼: ବରଗଡ଼ର ବିଶ୍ୱପ୍ରସିଦ୍ଧ ଧନୁଯାତ୍ରା ମଙ୍ଗଳବାର ଦିନ ଆରମ୍ଭ ହେବାକୁ ଯାଉଛି । ଏହି ଅବସରରେ ସାରା ସହର ଚଳଚଞ୍ଚଳ ହୋଇପଡିଛି ।
ଦୀର୍ଘ ୧୧ ଦିନ ଧରି ଆୟୋଜିତ ହେବାକୁ ଥିବା ଏହି ଧନୁଯାତ୍ରା ମହୋତ୍ସବ ପାଇଁ ଚୂଡାନ୍ତ ପ୍ରସ୍ତୁତି ଶେଷ ହୋଇଥିବା ବେଳେ ବିଶ୍ୱପ୍ରସିଦ୍ଧ ଏହି ମହାନାଟକ ମୁକ୍ତାକାଶ ରଙ୍ଗମଞ୍ଚରେ ପରିବେଷଣ ହେବ ।
ବରଗଡର ଏହି ବିଶ୍ୱପ୍ରସିଦ୍ଧ ଧନୁଯାତ୍ରା ଦେଖିବା ପାଇଁ ରାଜ୍ୟ ତଥା ରାଜ୍ୟ ବାହାରୁ ମଧ୍ୟ ଦର୍ଶକମାନଙ୍କ ସମାଗମ ହେବା ସହ ଘରେଘରେ ଅତିଥିମାନଙ୍କ ଗହଳି ଲାଗି ରହିଥିବା ନେଇ ସୂଚନା ମିଳିଛି ।
ମିଳିଥିବା ସୂଚନାନୁଯାୟୀ ଏହି ଅବସରରେ ବରଗଡ ସହର ସଜେଇ ହୋଇ ମଥୁରା ନଗରୀର ରୂପ ନେଇଛି । ଅମ୍ବାପାଲି ଏବେ ଗୋପପୁର ପାଲଟିଥିବା ବେଳେ ଜୀରା ନଈ ଯମୁନା ନଦୀ ଭାବେ ପରିଚିତି ପାଇଛି ।
ଅନ୍ୟପକ୍ଷରେ ଧନୁଯାତ୍ରା ପାଇଁ ସ୍ଥାନୀୟ କମିଟି ପକ୍ଷରୁ ବ୍ୟାପକ ବ୍ୟବସ୍ଥା କରାଯାଇଥିବା ନେଇ ଜଣାପଡିଛି।
ଏହି ୧୧ ଦିନ ଯାତ୍ରା ମଧ୍ୟରେ କଂସ ମହାରାଜାଙ୍କ କ୍ରୁରତା ତଥା ଶାସନ, ଉଗ୍ରସେନଙ୍କ ଗାଦିଚ୍ୟୁତ୍ ଏବଂ ଦେବକୀ ଓ ବସୁଦେବଙ୍କ ବିବାହ ତଥା ଦୈବବାଣୀ ଆଦି ଦେଖିବାକୁ ମିଳିବ।