ମୁମ୍ବାଇ: ଦକ୍ଷିଣ ଆଫ୍ରିକା ବିପକ୍ଷ ଦିନିକିଆ କ୍ରିକେଟ ସିରିଜରେ ଭାରତୀୟ ଦଳର ନେତୃତ୍ୱ ଶିଖର ଧାୱନ ନେଇପାରନ୍ତି । ରିପୋର୍ଟ ମୁତାବକ ଅଷ୍ଟ୍ରେଲିଆରେ ୧୬ ଅକ୍ଟୋବରର ୧୩ ନଭେମ୍ବର ପର୍ଯ୍ୟନ୍ତ ହେବାକୁ ଥିବା ଟି୨୦ ବିଶ୍ୱକପ ପାଇଁ ଚୟନ ହେବାକୁ ଥିବା ଖେଳାଳିମାନଙ୍କୁ ଏହି ସିରିଜରେ ବିଶ୍ରାମ ଦିଆଯିବ । ଏହା ପୂର୍ବରୁ ଭାରତ ୨୮ ସେପ୍ଟମ୍ବରରୁ ଦକ୍ଷିଣ ଆଫ୍ରିକା ବିପକ୍ଷରେ ୩ଟି ଲେଖାଁଏ ଟି୨୦ ଏବଂ ଦିନିକିଆ ମ୍ୟାଚ ଖେଳିବ । ସେପ୍ଟେମ୍ବର ୨୮, ୨ ଅକ୍ଟୋବର ଓ ୪ ଅକ୍ଟୋବରରେ ଯଥାକ୍ରମେ ଥିରୁୱନ୍ତପୁରମ, ଗୌହାଟୀ ଓ ଇନ୍ଦୋରରେ ଟି୨୦ ମ୍ୟାଚ ଖେଳାଯିବ ।
ଏହା ପରେ ଅକ୍ଟୋବର୬ରେ ଲକ୍ଷ୍ନୌ, ୯ରେ ରାଂଚୀ ଓ ୧୧ରେ ଦିଲ୍ଲୀରେ ଦିନିକିଆ ମ୍ୟାଚ ଖେଳାଯିବ । ଧାୱନଙ୍କୁ ଅଧିନାୟକ ଏବଂ ଭିଭିଏସ ଲକ୍ଷ୍ମଣଙ୍କୁ କୋଚ ଦାୟିତ୍ୱ ପ୍ରଦାନ କରାଯିବ ସମ୍ଭାବନା ଅଧିକ ରହିଛି ।
Comments are closed.