ଭୁବନେଶ୍ୱର: ଭୁବନେଶ୍ୱରରେ ଝାଡ଼ାବାନ୍ତି ଆତଙ୍କ। ନିଳାଦ୍ରି ବିହାରର ୱାର୍ଡ ନମ୍ବର ୧୩ରେ ଏକ ସମ୍ପ୍ ଟାଙ୍କିର ପାଣି ପ୍ରଦୂଷଣ ଯୋଗୁ ଡାଇରିଆ ଭଳି ରୋଗ ବ୍ୟାପୁଥିବା ସନ୍ଦେହ କରିଛନ୍ତି ଭୁବନେଶ୍ୱର କର୍ତ୍ତୃପକ୍ଷ।
ଉକ୍ତ ଅଞ୍ଚଳର ଅତି କମରେ ୧୫୦ ଜଣ ବାସିନ୍ଦା ଏହାଦ୍ୱାରା ଆକ୍ରାନ୍ତ ହୋଇଛନ୍ତି। ସେମାନଙ୍କ ମଧ୍ୟରୁ ଅନେକ ଜ୍ୱର, ଝାଡ଼ା, ଶରୀର ଯନ୍ତ୍ରଣା, ବାନ୍ତି, ପେଟ ଯନ୍ତ୍ରଣା ଭଳି ଲକ୍ଷଣ ନେଇ ଅଭିଯୋଗ କରିଛନ୍ତି।
ସ୍ଥାନୀୟ ବାସିନ୍ଦାଙ୍କ ଅନୁଯାୟୀ, ପାଣି ଟାଙ୍କିରେ କାଦୁଅ, ସିମେଣ୍ଟ ଏବଂ କାଠ ଭଳି ଅପରିଷ୍କାର ପଦାର୍ଥ ମିଳିଛି। ଅଞ୍ଚଳର ଅତି କମରେ ୫ଟି ଉତ୍ସରୁ ନମୁନା ପରୀକ୍ଷା ପାଇଁ ପଠାଯାଇଛି। ଏହା ବ୍ୟତୀତ ଏହାକୁ ରୋକିବା ପାଇଁ ପଦକ୍ଷେପ ମଧ୍ୟ ଗ୍ରହଣ କରାଯାଉଛି।
ତେବେ ଅନେକ ରୋଗୀ ସ୍ୱାସ୍ଥ୍ୟ କେନ୍ଦ୍ର ଏବଂ କ୍ୟାପିଟାଲ ହସ୍ପିଟାଲରେ ଚିକିତ୍ସାଧିନ ରହିଛନ୍ତି। ରିପୋର୍ଟ ଅନୁଯାୟୀ, ବର୍ତ୍ତମାନ ସ୍ୱାସ୍ଥ୍ୟ ବିଭାଗର ଏକ ଟିମ୍ ପ୍ରଭାବିତ ଅଞ୍ଚଳରେ ସ୍ଥିତିର ମୂଲ୍ୟାଙ୍କନ ଏବଂ ଏହା ବ୍ୟାପିବାର ସଠିକ୍ କାରଣ ଜାଣିବା ପାଇଁ ପୁଙ୍ଖାନୁପୁଙ୍ଖ ତଦନ୍ତ କରୁଛି।
ସ୍ଥାନୀୟ ବାସିନ୍ଦା ଅଭିଯୋଗ କରିଛନ୍ତି ଯେ ଗତ ୨୦ ଦିନ ଧରି ଏହି ଅଞ୍ଚଳରେ ଡାଇରିଆ ପ୍ରକୋପ ରହିଛି। ସମ୍ପ୍ ଟାଙ୍କିରୁ ପାଣି ପିଇବା ପରେ ଲୋକମାନେ ଅସୁସ୍ଥ ହୋଇପଡ଼ିଛନ୍ତି। ଚିକିତ୍ସା ପରେ ଅନେକ ରୋଗୀ ସୁସ୍ଥ ହୋଇଥିବା କର୍ତ୍ତୃପକ୍ଷ ଦାବି କରିଛନ୍ତି।
Comments are closed.