କୋଲକାତା: ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ ଶନିବାର ଦିନ କୋଲକାତାଠାରେ ନିଜ ତୃଣମୂଳ କଂଗ୍ରେସ କର୍ମକର୍ତ୍ତାମାନଙ୍କୁ କହିଛନ୍ତି ଯେ, ସେ ମୁଖ୍ୟମନ୍ତ୍ରୀ ପଦବୀରେ ଆଉ ରହିବାକୁ ଚାହୁଁନାହାନ୍ତି ।
West Bengal CM Mamata Banerjee: I told at the beginning of the meeting that I don’t want to continue as the Chief Minister. pic.twitter.com/KZvH9oyTec
— ANI (@ANI) May 25, 2019
ସାଧାରଣ ନିର୍ବାଚନର ଫଳାଫଳ ଘୋଷଣା ହେବା ପରେ ପ୍ରଥମଥର ପାଇଁ ମମତା ବାନାର୍ଜୀ ଏକ ସାମ୍ବାଦିକ ସମ୍ମିଳନୀରେ ନିଜର ବକ୍ତବ୍ୟ ପ୍ରକାଶ କରିଛନ୍ତି ।
“ମୁଁ ମୋ ଦଳର କାର୍ଯ୍ୟକର୍ତ୍ତାମାନଙ୍କୁ ଅବଗତ କରି କହିଛି, ଆସନ୍ତା ୬ମାସ ଲାଗି ମୁଁ କାର୍ଯ୍ୟ କରିବା ଲାଗି ଅକ୍ଷମ । ବର୍ତ୍ତମାନ ମୁଁ ଏକ କ୍ଷମତାହୀନ ମୁଖ୍ୟମନ୍ତ୍ରୀ । ଏହାକୁ ମୁଁ ସହଜରେ ଗ୍ରହଣ କରିପାରୁନାହିଁ । ଜଣେ ମୁଖ୍ୟମନ୍ତ୍ରୀ ରୂପେ ମୁଁ ଆଉ ଦାୟିତ୍ୱ ତୁଲାଇପାରିବି ନାହିଁ । ବର୍ତ୍ତମାନ ଏହି ଆସନ ମୋ ଲାଗି କୌଣସି କାର୍ଯ୍ୟକୁ ନୁହେଁ । ବର୍ତ୍ତମାନ ଦଳର ଚିହ୍ନ ହିଁ ମୋ ଲାଗି ବେଶ୍ ଗୁରୁତ୍ୱପୂର୍ଣ୍ଣ ।” ଉପରୋକ୍ତ ଉକ୍ତି ମମତା କହିଥିବା ନେଇ ଏନଡ଼ିଟିଭି ପ୍ରକାଶ କରିଛି ।