ୱାଶିଂଟନ୍: ଆମେରିକାରେ ରାଷ୍ଟ୍ରପତି ନିର୍ବାଚନକୁ ଆଉ ମାତ୍ର ଏକ ସପ୍ତାହ ବାକି ଅଛି। ନଭେମ୍ବର ୩ରେ ମତଦାନ ହେବ। ଏହା ପୂର୍ବରୁ ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ପୁଣି ଥରେ ଚର୍ଚ୍ଚା ପରିସରକୁ ଆସିଛନ୍ତି। ଡୋନାଲ୍ଡ ଟ୍ରମ୍ପ ଏକ ସାକ୍ଷାତକାର ସମୟରେ ଅଧାରୁ ଉଠି ଚାଲିଯାଇଛନ୍ତି ଏବଂ ଆଙ୍କର୍ ସହିତ ତୀବ୍ର ଯୁକ୍ତିତର୍କ କରୁଥିବା ଦେଖିବାକୁ ମିଳିଛି। ଏହାପରେ ଏହି ପ୍ରସଙ୍ଗକୁ କେନ୍ଦ୍ର କରି ଆମେରିକା ନିର୍ବାଚନରେ ବହୁ ଚର୍ଚ୍ଚା ହେଉଛି। ପୂର୍ବତନ ରାଷ୍ଟ୍ରପତି ବାରାକ ଓବାମା ମଧ୍ୟ ଏହାକୁ ନେଇ ଏକ ଖୋଳତାଡ଼ କରିଛନ୍ତି।
ବାସ୍ତବରେ, ଅତୀତରେ ନିର୍ବାଚନୀ ପ୍ରଚାର ସମୟରେ ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଏକ ନ୍ୟୁଜ୍ ଚ୍ୟାନେଲ୍ର ଲୋକପ୍ରିୟ ‘୬୦ ମିନିଟ୍ ଶୋ’ରେ ଏକ ସାକ୍ଷାତକାର ଦେଇଥିଲେ। ଏହି ସମୟ ମଧ୍ୟରେ, ଆମେରିକୀୟ ସାମ୍ବାଦିକ ଲେସଲିଙ୍କ ସହ ଡୋନାଲ୍ଡ ଟ୍ରମ୍ପଙ୍କ ସାକ୍ଷାତକାର ସମୟରେ ଏତେ ବିତର୍କ ହୋଇଥିଲା ଏବଂ ବିତର୍କ ଏତେ ତୀବ୍ର ହୋଇଯାଇଥିଲା ଯେ ଡୋନାଲ୍ଡ ଟ୍ରମ୍ପ ଅଧାରୁ ଉଠି ଚାଲିଯାଇଥିଲେ।
ସାକ୍ଷାତକାର ସମୟରେ ଲେସଲି ଡୋନାଲ୍ଡ ଟ୍ରମ୍ପଙ୍କ ଟ୍ୱିଟ୍ ଉପରେ ପ୍ରଶ୍ନ କରିବା ସହିତ ରାଷ୍ଟ୍ରପତି ଭାବରେ ତାଙ୍କର ଟ୍ୱିଟ୍ ଠିକ୍ ନୁହେଁ ବୋଲି ପ୍ରଶ୍ନ କରିଥିଲେ। ଯେଉଁଥିରେ ଡୋନାଲ୍ଡ ଟ୍ରମ୍ପ କହିଥିଲେ ଯେ ସୋସିଆଲ ମିଡିଆର ଶକ୍ତି ହେତୁ ସେ ରାଷ୍ଟ୍ରପତି ହୋଇଛନ୍ତି ଏବଂ ସେ ଏହାକୁ ପରିବର୍ତ୍ତନ କରିବେ ନାହିଁ। ଏହା ପରେ ଡୋନାଲ୍ଡ ଟ୍ରମ୍ପ ସାମ୍ବାଦିକଙ୍କୁ ବାଧା ଦେଇ କହିଥିଲେ ଯେ ଜୋ ବିଡେନଙ୍କୁ ଆପଣ କାହିଁକି ଏପରି କଠୋର ପ୍ରଶ୍ନ ପଚାରୁ ନାହାନ୍ତି?
ଏହା ପରେ ଟ୍ରମ୍ପ ବହୁତ ରାଗିଯାଇ କହିଥିଲେ ଯେ କଥା ହେବାର ଏହା ସଠିକ୍ ଉପାୟ ନୁହେଁ। ବାସ୍ ବହୁତ ହେଇଗଲା, ଏବେ ଏହାକୁ ଶେଷ କର। ତେବେ ପରଦିନ ଟ୍ରମ୍ପ୍ଙ୍କ ସାକ୍ଷାତକାର ଟେଲିକାଷ୍ଟ କରାଯାଇଥିଲା। ଏବେ ଏହି ଭିଡିଓ ବେଶ୍ ଭାଇରାଲ ହେବାରେ ଲାଗିଛି।