ଡେରାଡୁନ୍ : ବିଶ୍ୱ ପ୍ରସିଦ୍ଧ ପର୍ଯ୍ୟଟନ ସ୍ଥଳ ସାହସ୍ରଧାରା ହେଉଛି ଏକ ପ୍ରସିଦ୍ଧ ପର୍ଯ୍ୟଟନସ୍ଥଳୀ । ଯଦିଓ ଏଠାରେ ଅନେକ ଗୁମ୍ଫା ରହିଛି , କିନ୍ତୁ ସେମାନଙ୍କ ମଧ୍ୟରେ ସବୁଠାରୁ ଗୁରୁତ୍ୱପୂର୍ଣ୍ଣ ଏବଂ ପ୍ରାଚୀନ ହେଉଛି ଦ୍ରୋଣ ଗୁମ୍ପା । ଏହାର ଇତିହାସ ମହାଭାରତ ସମୟ ସହିତ ଜଡିତ । ଏହି ଗୁମ୍ଫା ମଧ୍ୟରେ ରହିଛି ଏକ ପୁରାତନ ଶିବ ମନ୍ଦିର । କୁହାଯାଏ ଗୁରୁ ଦ୍ରୋଣାଚାର୍ଯ୍ୟ ଏଠାରେ ତପସ୍ୟା କରିଥିଲେ । ଯେଉଁଥିପାଇଁ ଏହି ମନ୍ଦିରର ନାମ ଦ୍ରୋଣ ଗୁମ୍ପା ନାମରେ ନାମିତ କରାଯାଇଛି । ଗୁମ୍ଫାରେ ଅନେକ ଛୋଟ ଶିବଲିଙ୍ଗ ଅଛି , ଯାହା ନିଜେ ଉତ୍ପନ୍ନ ହୋଇଛନ୍ତି । ଏହା ବ୍ୟତୀତ ଗଣେଶ ଏବଂ ନନ୍ଦୀ ମହାରାଜଙ୍କ ଚିତ୍ର ମଧ୍ୟ ପଥରରେ ଖୋଦିତ ହୋଇଥିବା ଦେଖିବାକୁ ମିଳୁଛି। ବିଶ୍ବର କୋଣ ଅନୁକୋଣରୁ ପର୍ଯ୍ୟଟକ ମାନେ ଏଠାକୁ ବୁଲିବାକୁ ଆସନ୍ତି ।
ଗୁମ୍ଫା ଭିତରେ ଥିବା ଶିବଲିଙ୍ଗ ଉପରେ ଲଗାତାର ହଜାର ହଜାର ଜଳ ପ୍ରବାହିତ ହେଉଛି । ଦ୍ରୋଣ ଗୁମ୍ଫା ଏକ ଅତ୍ୟନ୍ତ ଚମତ୍କାର ଗୁମ୍ଫା । କୁହାଯାଏ ଯେ ଗୁରୁ ଦ୍ରୋଣାଙ୍କ ନାମ ପରେ ଦେହରାଡୁନର ପ୍ରାଚୀନ ନାମ ଦ୍ରୋଣାନଗରୀ ନାମରେ ଜଣାଶୁଣା। ପ୍ରତିବର୍ଷ ଦେଶର ବିଭିନ୍ନ ସ୍ଥାନରୁ ଲକ୍ଷ ଲକ୍ଷ ପର୍ଯ୍ୟଟକ ଏହି ଗୁମ୍ଫା ପରିଦର୍ଶନ କରିବାକୁ ଆସନ୍ତି। ନିଜର ମନସ୍କାମନା ପୂର୍ଣ୍ଣ କରିବା ଲାଗି ଏଠାରେ ଭକ୍ତମାନେ ଚୁନରୀ ବାନ୍ଧନ୍ତି । ଭକ୍ତମାନେ ବିଶ୍ୱାସ କରନ୍ତି ଯେ ଭକ୍ତି ସହକାରେ ଏଠାରେ ମାନସିକ ରଖିଲେ , ଏହା ପୂର୍ଣ୍ଣ ହୁଏ ।
ଏଠାରେ ପହଞ୍ଚିବାର ଅନେକ ଉପାୟ ଅଛି | ଡେରାଡୁନ୍ ସହରଠାରୁ ଏହାର ଦୂରତା ମାତ୍ର ୧୬ କିଲୋମିଟର । ଏହାର ନିକଟତମ ବିମାନବନ୍ଦର ହେଉଛି ଜଲି ଗ୍ରାଣ୍ଟ ବିମାନବନ୍ଦର । ବିମାନବନ୍ଦରରୁ ଆପଣମାନେ ନିଜସ୍ବ କ୍ୟାବ କିମ୍ବା ଟ୍ୟାକ୍ସି ଯୋଗେ ସହସ୍ରଧାରାରେ ପହଞ୍ଚିପାରିବେ । ବିମାନବନ୍ଦରଠାରୁ ଏହାର ଦୂରତା ପ୍ରାୟ ୩୧ କିଲୋମିଟର । ନିକଟତମ ରେଳ ଷ୍ଟେସନ ହେଉଛି ଡେରାଡୁନ୍ । ରେଳ ଷ୍ଟେସନରୁ ଆପଣ ସିଟି ବସରେ ମଧ୍ୟ ସହସ୍ରଧାରାରେ ପହଞ୍ଚିପାରିବେ ।
Comments are closed.