ଓ୍ବାଶିଂଟନ: ଆମେରିକାରେ ଏକ ସପ୍ତାହ ମଧ୍ୟରେ ମଧ୍ୟବର୍ତ୍ତୀକାଳୀନ ନିର୍ବାଚନ ଆରମ୍ଭ ହେବାକୁ ଯାଉଛି । ଏହା ପୂର୍ବରୁ ଟ୍ୱିଟର ସିଇଓ ଏଲୋନ୍ ମସ୍କ ଖୋଲାଖୋଲି ଭାବେ ରିପବ୍ଲିକାନ୍ କଂଗ୍ରେସକୁ ଭୋଟ ଦେବାପାଇଁ ନିଜର ସମର୍ଥନ ଜଣାଇଛନ୍ତି । ଆମେରିକା ଭୋଟରଙ୍କୁ ମଧ୍ୟ ସମାନ ଢ଼ଙ୍ଗରେ ଭୋଟ୍ ଦେବାକୁ ସେ ପରାମର୍ଶ ଦେଇଛନ୍ତି। ଟ୍ରମ୍ପଙ୍କ ସମର୍ଥକ ଥିବା ମସ୍କ ରିପ୍ଲବିକାନ ଦଳୁ ସମର୍ଥନ କରି ଆମେରିକାରେ ସରକାର ପରିବର୍ତ୍ତନ ପାଇଁ ଏବେଠୁ ଅପିଲ କରିଥିବା କୁହାଯାଉଛି ।
To independent-minded voters:
Shared power curbs the worst excesses of both parties, therefore I recommend voting for a Republican Congress, given that the Presidency is Democratic.
— Elon Musk (@elonmusk) November 7, 2022
ମସ୍କଙ୍କ କହିବା କଥା ଆମେରିକାରେ ନିଜ ଦଳର ଭୋଟର ମାନେ ଅନ୍ୟ ଦଳର ପ୍ରାର୍ଥୀମାନଙ୍କୁ ସାଧାରଣତ ଭୋଟ ଦେଇନଥାନ୍ତି । ତେଣୁ ମସ୍କ ଟୁଇଟରରେ ଘୋଷଣା କରି କହିଛନ୍ତି “ମୁକ୍ତ-ମତଦାତା ଭୋଟରଙ୍କ ପାଇଁ ମୁଁ ଆହ୍ବାନ କରୁଛି ସେମାନେ ରିପବ୍ଲିକାନ୍ କଂଗ୍ରେସର ପ୍ରାର୍ଥୀମାନଙ୍କୁ ଭୋଟ୍ ଦିଅନ୍ତୁ’’ । ଅବଶ୍ୟ ସେ ଦୁଇ ଦଳ ପ୍ରଥାକୁ ଗ୍ରହଣ କରିବା ସହ ଦୁଇ ଦଳ ଶାସନରେ ରହିବାକୁ ମଧ୍ୟ ସମର୍ଥନ କରିଛନ୍ତି । ଏପରିକି ଆଗାମୀ ଦିନରେ ଯଦି ଆବଶ୍ୟକ ପଡେ ତେବେ ସେ ଡେମୋକ୍ରାଟିକ୍ ଦଳକୁ ସମର୍ଥନ ଦେଇପାରନ୍ତି ବୋଲି ଅନ୍ୟ ଏକ ଟୁଇଟରେ ପରେ କହିଛନ୍ତି ।
"I'm open to the idea of voting Democrat again in future", Elon Musk hours after announcing support to Republicans
Read @ANI Story | https://t.co/qoAURm9Dlq#ElonMusk #USMidterm #Twitter pic.twitter.com/rivQQTdABk
— ANI Digital (@ani_digital) November 8, 2022
ଆମେରିକାରେ ସାଧାରଣତ ରାଷ୍ଟ୍ରପତିଙ୍କ କାର୍ଯ୍ୟକାଳର ଅଧା ସମୟ ପରେ ମଧ୍ୟବର୍ତ୍ତିକାଳୀନ ନିର୍ବାଚନ ଆରମ୍ଭ ହୋଇଯାଏ । ଏଥିରେ ହାଉସ ଅଫ ରିପ୍ରେଜେଣ୍ଟେଟିଭସ ର ସମସ୍ତ 435 ଟି ଆସନ ପାଇଁ ନିର୍ବାଚନ ହେବ । ଆମେରିକା ସିନେଟର 100 ଟି ଆସନ ମଧ୍ୟରୁ 33 କିମ୍ବା 34 ଟି ଆସନରେ ମଧ୍ୟ ନିର୍ବାଚନ ହେବ । ଯେଉଁ ଦଳ ସଂଖ୍ୟା ଗରିଷ୍ଠତା ହାସଲ କରିବ ସେହି ଦଳର ପ୍ରାର୍ଥୀ ରାଷ୍ଟ୍ରପତି ହେବା ସହଜ ହେବ ।
ସେପଟେ ନଭେମ୍ବର 15ରେ ଆମେରିକାର ପୂର୍ବତନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ବଡ଼ ଘୋଷଣା କରିବେ ବୋଲି କହିଛନ୍ତି । ଯାହାକୁ ନେଇ ଚର୍ଚା ଆରମ୍ଭ ହୋଇଛି । ଗତ ନିର୍ବାଚନରେ ଡେମୋକ୍ରାଟିକ ଦଳର ରାଷ୍ଟ୍ରପତି ପ୍ରାର୍ଥୀ ଥିବା ଜୋ ବାଇଡେନ ଅଧିକ ଆସନ ଜିତି ରାଷ୍ଟ୍ରପତି ହୋଇଥିଲେ । ରିପବ୍ଲିକାନ ଦଳର ରାଷ୍ଟ୍ରପତି ପ୍ରାର୍ଥୀ ଥିବା ଡୋନାଲ୍ଡ ଟ୍ରମ୍ପ ହାରିଯାଇଥିଲେ ।
#BREAKING: DONALD TRUMP SAYS HE IS MAKING AN ANNOUNCEMENT ON NOV. 15 AT MAR-A-LAGO IN FLORIDA pic.twitter.com/ZUQPtSVZtx
— Florida’s Voice (@FLVoiceNews) November 8, 2022