କେତେ ଅଲଗା ଏଥରର ଆଇପିଏଲ, ଉତ୍କଣ୍ଠା ଆଉ ରୋମାଂଚରେ ମନ ଭରିବ ତ !

ପୁରୀ: ୧୯ ସେପ୍ଟେମ୍ବରରୁ ଆରମ୍ଭ ହୋଇଯିବ ଇଣ୍ଡିଆନ ପ୍ରିମିୟର ଲିଗ୍ । ଚେନ୍ନାଇ ସୁପର କିଙ୍ଗ୍ ଓ ମୁମ୍ବାଇ ଇଣ୍ଡିଆନ୍ସ ମଧ୍ୟରେ ଉଦଘାଟନୀ ମୁକାବିଲା ହେବ । ଯୁବ ପିଢ଼ୀକୁ ଉତ୍କଣ୍ଠା ଓ ରେ।।ମଂଚ ଯୋଗାଇ ଆସିଥିବା ଏହି ଆଇପିଏଲ ଏଥର କରୋନା ମହାମାରୀ କବଳରେ ପଡିଛି । ନିୟମ ସବୁ ବଦଳି ଯାଇଛି । ମନରେ ପ୍ରଶ୍ନ ଉଠୁଛି ନୂତନ ନିୟମ ମନର ରୋମାଂଚ ଭରିବ ତ ? ଆସନ୍ତୁ ଜାଣିବା ୟୁଏଇରେ ହେବାକୁ ଥିବା ଆଇପିଏଲରେ କଣ ସବୁ ନୂତନ ନିୟମ ଲାଗୁ କରାଯାଇଛି ।
୧. ବୋଲରମାନେ ଲାଳର ବ୍ୟବହାର କରିପାରିବେ ନାହିଁ ।
୨.ଧଳା ବଲରେ ମ୍ୟାଚ ଖେଳାଯିବ । ଏହା ପ୍ରାୟତଃ ୨/୩ ଓଭର ସୁଇଂ କରିଥାଏ । ଲାଳର ବ୍ୟବହାର ନକରିବା ବିଶେଷ ପ୍ରଭାବ ପକାଇବ ନାହିଁ ।
୩. ନୋ ବଲ ଉପରେ ଥାର୍ଡ ଅମ୍ପାୟର ନଜର ରଖିବେ ।
୪. ଷ୍ଟାଡିୟମରେ ଦର୍ଶକ ରହିବେ ନାହିଁ ।
୫. ଜଣେ ଖେଳାଳି କରୋନା ପଜିଟିଭ ବାହାରିଲେ ତାଙ୍କ ସ୍ଥାନରେ ନୂତନ ଖେଳାଳି ସାମିଲ ହୋଇପାରିବେ ।
୬.ଚିୟରଲିଡର୍ସ ଓ ପ୍ରଶଂସକ ରହିବେ ନାହିଁ । ମେଗା ସ୍କ୍ରିନ ରେକର୍ଡିଂ କରାଯାଇଥିବା ଭିଡିଓ ଦେଖାଇପାରିବେ ।
୭. ବାୟୋ ସିକ୍ୱୋର ପରିବେଶ । ଏଥିରେ ଅଂଶଗ୍ରହଣ କରୁଥିବା ଖେଳାଳି, ସପୋର୍ଟ ଷ୍ଟାଫ, ମ୍ୟାଚ ଅଫିସିଆଲ, ହୋଟେଲ ଷ୍ଟାଫ ଓ ମେଡିକାଲ ଟିମ୍ କେବଳ ରହିବେ । ଏହା ବ୍ୟତୀତ କାହାକୁ ଖେଳାଳି ଭେଟି ପାରିବେ ନାହିଁ । ଖେଳାଳି ବାୟୋ ସିକ୍ୱୋର ନିୟମ ଭାଙ୍ଗିଲେ ଦଣ୍ଡିତ ହେବେ ।
୮. ଆଘାତପ୍ରାପ୍ତ ଖେଳାଳିଙ୍କ ସ୍ଥାନରେ ନୂତନ ଖେଳାଳି ଦଳରେ ସଙ୍ଗେ ସଙ୍ଗେ ସାମିଲ ହୋଇପାରିବେ ।
୯. ଲାଳର ବ୍ୟବହାର କଲେ ୨ ଥର ଟିମକୁ ଚେତାବନୀ ଦିଆଯିବ । ନ ମାନିଲେ ବିପକ୍ଷ ଟିମ୍ କୁ ୫ରନ ଦିଆଯିବ ।
୧୦. ଦୁଇ ପ୍ରତିଦ୍ୱନ୍ଦ୍ୱୀ ଟିମର ଅଧିନାୟକ ହାତ ମିଳାଇ ପାରିବେ ନାହିଁ ।