ସୋସିଆଲ୍ ମିଡ଼ିଆରେ ପ୍ରଣବ ମୁଖାର୍ଜୀଙ୍କ ଦେହାନ୍ତ ନେଇ ମିଥ୍ୟା ଖବର ପୋଷ୍ଟ

ନୂଆଦିଲ୍ଲୀ: ବ୍ରେନ୍ ସର୍ଜରୀ ପରେ ଦିଲ୍ଲୀ ଆର୍ମି ହସ୍ପିଟାଲର ଭେଣ୍ଟିଲେଟରରେ ଅଛନ୍ତି ପୂର୍ବତନ ରାଷ୍ଟ୍ରପତି ପ୍ରଣବ ମୁଖାର୍ଜୀ । ଆଜି ତାଙ୍କର ଦେହାନ୍ତ ହୋଇଥିବା ନେଇ ସୋସିଆଲ୍ ମିଡିଆରେ ମିଥ୍ୟା ଓ ବିଭ୍ରାନ୍ତିକର ଖବର ପୋଷ୍ଟ କରାଯାଇଛି । ଜାତୀୟ ଗଣମାଧ୍ୟମର ଜଣେ ବରିଷ୍ଠ ସାମ୍ବାଦିକଙ୍କ ଏଭଳି ଭୁଲ୍ ଟ୍ୱିଟକୁ ନେଇ ବିଭିନ୍ନ ମହଲରେ ଉଦବେଗ ପ୍ରକାଶ ପାଇଛି ।

ସୋସିଆଲ୍ ମିଡିଆରେ ମିଥ୍ୟା ଖବର ପୋଷ୍ଚ ଭାଇରାଲ୍ ହେବା ପରେ ଚାରିଆଡୁ ପ୍ରତିକ୍ରିୟା ପ୍ରକାଶ ପାଇଥିଲା । ଦେଶେର ପୂର୍ବତନ ରାଷ୍ଟ୍ରପତିଙ୍କ ସମ୍ପର୍କରେ ଏଭଲି ମିଥ୍ୟା ଖବରକୁ କଡ଼ା ନିନ୍ଦା କରାଯାଇଛି । ଏହାପରେ ସ୍ପଷ୍ଟୀକରଣ ରଖିଛନ୍ତି ସଂପୃକ୍ସାତ ମ୍ବାଦିକ । ଖବରକୁ ଅସ୍ୱୀକାର କରିବା ସହ ପ୍ରଣବ ମୁଖାର୍ଜୀଙ୍କ ଆରୋଗ୍ୟ କାମନା କରିଛନ୍ତି ।

ସୋସିଆଲ୍ ମିଡିଆରେ ମିଥ୍ୟା ଖବରକୁ ନେଇ କ୍ଷୋଭ ପ୍ରକାଶ କରିଛନ୍ତି ପ୍ରଣବ ମୁଖାର୍ଜୀଙ୍କ ପୁଅ ଅଭିଜିତ ମୁଖାର୍ଜୀ । ଟ୍ୱିଟ୍ କରି ଲେଖିଛନ୍ତି, ତାଙ୍କ ବାପା ଜୀବିତ ଅଛନ୍ତି । ସ୍ୱାସ୍ଥ୍ୟାବସ୍ଥା ସ୍ଥିର ରହିଛି । ସୋସିଆଲ୍ ମିଡିଆରେ ଦେହାନ୍ତ ସମ୍ପର୍କିତ ମିଥ୍ୟା ଖବର ପୋଷ୍ଟକୁ ନିନ୍ଦା କରିବା ସହ ଦେଶରେ ମିଡିଆ ଫେକ୍ ନ୍ୟୁଜ ଫ୍ୟାକ୍ଟ୍ରି ହୋଇଛି ବୋଲି କହିଛନ୍ତି ଅଭିଜିତ ମୁଖାର୍ଜୀ ।

My Father Shri Pranab Mukherjee is still alive & haemodynamically stable !
Speculations & fake news being circulated by reputed Journalists on social media clearly reflects that Media in India has become a factory of Fake News .

— Abhijit Mukherjee (@ABHIJIT_LS) August 13, 2020