ନୂଆଦିଲ୍ଲୀ: ସେଲିବ୍ରେଟିଙ୍କ ସହ ଫୋଟ ଉଠାଇବାକୁ ସମସ୍ତେ ଭଲ ପାଆନ୍ତି। କିଏ ସେଲଫି ଉଠାନ୍ତି ଆଉ କିଏ ଫୁଲ୍ ପୋଜ୍ ଦେଇ ଉଠାଇବାକୁ ଇଚ୍ଛା କରନ୍ତି । ନିକଟରେ ଜଣେ ପ୍ରଶଂସକ ଅଭିନେତା ଅଲି ଫଜଲଙ୍କ ସହ ସେଲଫି ନେବାକୁ ଯାଇଥିଲେ । ହେଲେ ଅବହେଳା କାରଣରୁ ଅଲି ଫଜଲ ହାତରେ ଧରି ଥିବା କଫି ତାଙ୍କ ଡ୍ରେସ ଉପରେ ପଡ଼ି ଯାଇଥିଲା । ଏହି ଭିଡିଓକୁ ଦେଖି ଇଣ୍ଟରନେଟ୍ ବ୍ୟବହାରକାରୀମାନେ ଭିନ୍ନ ଭିନ୍ନ ମନ୍ତବ୍ୟ ଦେଇଛନ୍ତି ।
ଜଣେ ୟୁଜର୍ସ ଲେଖିଛନ୍ତି,‘‘ ଏହା ଜାଣିଶୁଣି ଏପରି କରାଯାଇଛି ।’’ ଆଉ ଜଣେ ଲେଖିଛନ୍ତି, ଭିଡିଓରୁ ସ୍ପଷ୍ଟ ଜଣାପଡୁଛି ସେ ଜାଣଶୁଣି ନିଜ ଉପରେ କଫି ଢାଳୁଛନ୍ତି । ବୋଧ ହୁଏ ଏହା ଏକ ଶାର୍ଟର ବିଜ୍ଞାପନ କରୁଛନ୍ତି ।’’
View this post on Instagram
ଅଭିନେତା ଅଲି ଫଜଲ ଏକ ଦୋକାନରୁ ବାହାରକୁ ଆସୁଥିଲେ । ସେ ଦୋକାନରୁ ବାହାରକୁ ଆସିବା ମାତ୍ରେ ଫୋଟ ପାଇଁ ପୋଜ୍ ଦେବା ଆରମ୍ଭ କରିଥିଲେ। ସେ ଗୋଟିଏ ପରେ ଗୋଟିଏ ପୋଜ୍ ବଦଳାଉଥିଲେ । ଆଉ ଫୋଟ କ୍ଲିକ୍ କରାଯାଉଥିଲା। ହେଲେ ଏହି ସମୟରେ ହଠାତ୍ ଜଣେ ପ୍ରଶଂସକ ସେଲଫି ପାଇଁ ଅଲି ଫଜଲଙ୍କ ପାଖକୁ ପଳାଇ ଆସିଥିଲେ । ହେଲେ ସେ ଏତେ ଦ୍ରୁତ ଗତିରେ ଆସିଲେ ଯେ ଅଲିଙ୍କ ହାତରେ କଫି ଥିବା ସେ ଜାଣିପାରି ନଥିଲେ । ଏମିତିକି ସେ ଅଲିଙ୍କ କାନ୍ଧରେ ହାତ ରଖିବାକୁ ଚେଷ୍ଟା କରିଥିଲେ । ତେବେ ପ୍ରଶଂସକ ଜଣକ ଏତେ ନିକଟତର ହୋଇଥିବା ନେଇ ଅଲି ଜାଣି ପାରି ନଥିଲେ । ସେ ଠେଲି ହୋଇଯାଇଥିଲେ। ଆଉ ସେ ହାତରେ ଧରିଥିବା କଫି ତାଙ୍କ ଶାର୍ଟ ଉପରେ ପଡ଼ି ଯାଇଥିଲା। ଏହି ଘଟଣା ପରେ ଅଲି ଫଜଲଙ୍କ ପ୍ରତିକ୍ରିୟା ଭିଡିଓରେ ପ୍ରକାଶ କରାଯାଇ ନାହିଁ ।
Comments are closed.