ମୁମ୍ବାଇ: ବି ଟାଉନ୍ରେ ହଲ୍ଚଲ୍ । ଖୁବଶୀଘ୍ର ଆସୁଛି ଏକ ହ୍ୟୁଜ୍ ବଜେଟ୍ ପ୍ରୋଜେକ୍ଟ । ଏକାଠି ଦର୍ଶକଙ୍କ ସାମ୍ନାକୁ ଆସିବେ କିଛି ଜଣାଶୁଣା ନିର୍ଦ୍ଦେଶକ ତଥା ଅଭିନେତା । ଯେଉଁଥିରେ ସାମିଲ ଅଛନ୍ତି ଫରାହ ଖାନ, ପ୍ରଭୁଦେବାଙ୍କ ଭଳି କୋରିଓଗ୍ରାଫର୍ ଓ ସାଉଥ୍ ସୁପରଷ୍ଟାର ରାମ ଚରଣ ।
ତେବେ କୌଣସି ଫିଲ୍ମ ପାଇଁ ନୁହେଁ ବରଂ ଏକ ଡାନ୍ସ ସୋ’ରେ ଜଜ୍ ତଥା ହୋଷ୍ଟ ଭାବେ ତିନିଜଣଙ୍କୁ ଦେଖିବାକୁ ମିଳିବ । ଡିଜିଟାଲ ପ୍ଲାଟଫର୍ମରେ ଆସିବାକୁ ଥିବା ଏହି ସୋ’ର ଟାଇଟଲ ରହିଛି ହିଲ୍ ୟୋର ଲାଇଫ୍ ଥ୍ରୁ ଡାନ୍ସ । ଭିନ୍ନକ୍ଷମ ପ୍ରତିଭାବାନ ଡାନ୍ସରଙ୍କୁ ଏହି ସୋ’ ଏକ ପ୍ଲାଟଫର୍ମ ଯୋଗାଇବ । ତା ଛଡା ଡାନ୍ସ ଦ୍ୱାରା ମାନସିକ ସ୍ଥିତି ରହୁଥିବା ନେଇ ମଧ୍ୟ ଏହି ସୋ’ ପ୍ରମୋଶନ କରିବ ।
ଫରାହ ଖାନ ଓ ପ୍ରଭୁଦେବା କୋରିଓଗ୍ରାଫି ପାଇଁ ବେଶ ଜଣାଶୁଣା । ଅନ୍ୟପଟେ ରାମ ଚରଣ ଜବରଦସ୍ତ ଡାନ୍ସ ପାଇଁ ଫେମସ । ଏହି ତିନିଜଣଙ୍କ କେମଷ୍ଟ୍ରୀ ନେଇ ସୋଟି ଯେ ନିଶ୍ଚିତ ଭାବେ ଆଦୃତ ହେବ ଏଥିରେ କୌଣସି ସନ୍ଦେହ ନାହିଁ । ତେବେ ସୋ’ରେ ପ୍ରବେଶ ପାଇଁ କୌଣସି ବୟସ ସୀମା ନଥିବା ଜଣାପଡିଛି ।
Comments are closed.