ବଲାଙ୍ଗୀର : ଚାଲିଛି ପାର୍ବଣ । ସବୁଆଡେ ଉତ୍ସବର ମାହୋଲ । ଚଳଚଞ୍ଚଳ ଗାଁଠୁ ସହର । ଚାରିଆଡେ ଭକ୍ତମୟ ପରିବେଶ । ଏସବୁ ମଧ୍ୟରେ ଏକ ଦୁଃଖଦ ଖବର ସାମ୍ନାକୁ ଆସିଛି । ବଲାଙ୍ଗୀର ଜିଲ୍ଲା ସଇଁତଳା ଥାନା ବେଲଗାଁ ଫାଣ୍ଡି ନିକଟରେ ଅଭାବନୀୟ ଘଟଣା ଘଟିଛି । ଦୁର୍ଗା ପୂଜା ଦେଖି ଫେରୁଥିବାବେଳେ ଏକ ଅଜଣା ଗାଡି ଧକ୍କା ଦେଇଛି । ଫଳରେ ଘଟଣାସ୍ଥଳରେ ବାପାଙ୍କର ମୃତ୍ୟୁ ଘଟିଥିବାବେଳେ ପୁଅ ଗୁରୁତର ହୋଇଛି ।
ସୂଚନା ମୂତାବକ ବାପା , ପୁଅ ଦୁହେଁ ମୋଟର ସାଇକେଲରେ ଶିଷକେଲା ଗାଁକୁ ଯାଇଥିଲେ । ଗତକାଲି ରାତିରେ ଫେରୁଥିବାବେଳେ ତାଙ୍କୁ ଏକ ଅଜଣା ଗାଡି ଧକ୍କା ଦେଇଥିଲା । ଫଳରେ ଘଟଣାସ୍ଥଳରେ ବାପାଙ୍କର ମୃତ୍ୟୁ ଘଟିଥିବାବେଳେ ପୁଅକୁ ଗୁରୁତର ଅବସ୍ଥାରେ ସଇଁତଳା ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଛି । ମୃତକ ଝିମାନପାଲି ଗାଁର ଲକ୍ଷ୍ମଣ ଭୋଇ ଏବଂ ଗୁରୁତର ପୁଅ ଅନିଲ ବୋଲି ଜଣାପଡିଛି । ପୋଲିସ ଘଟଣାସ୍ଥଳରେ ପହଞ୍ଚି ଅଧିକ ତଦନ୍ତ ଜାରି ରଖିଛି ।