ପ୍ୟାରିସ :୮ ଲକ୍ଷ ଲୋକଙ୍କ ହତ୍ୟା ପଛରେ ହାତ ଥିବା ଆଫ୍ରିକାର ମୋଷ୍ଟ ୱାଣ୍ଟେଡ୍ ମ୍ୟାନ୍ ଲିସିଫେଆନ କବୁଗା ଫ୍ରାନ୍ସରେ ଲୁଚି ଗିରଫ ହୋଇଛନ୍ତି । କବୁଗା ମିଛ ପରିଚୟ ପତ୍ରରେ ପ୍ୟାରିସ୍ରେ ୨୫ ବର୍ଷ ହେଲା ପୁଲିସ୍କୁ ଚକମା ଦେଖାଇ ଲୁଚି ରହୁଥିଲା । ଆଫ୍ରିକାର ରୱାଣ୍ଡାରେ ୧୯୯୪ରେ ୩ ମାସରୁ ଅଧିକ ସମୟ ଯାଏ ଭୀଷଣ ନରସଂହାର ହୋଇଥିଲା । ଏହି ସମୟରେ ୮ଲକ୍ଷରୁ ଅଧିକ ଏଥନିକ୍ ଟୁଟ୍ସିସ୍ ଓ ମଡର୍ନ ହୁତୁସଙ୍କୁ ମାରି ଦିଆଯାଇଥିଲା । ନରସଂହାର ପାଇଁ କବୁଗା ଧନ ରାଶି ସାହାଯ୍ୟ କରିଥିଲା ଏବଂ ନିଜର କମ୍ପାନୀ ଜରିଆରେ ଅସ୍ତ୍ରଶସ୍ତ୍ର ସପ୍ଲାଇ ମଧ୍ୟ କରିଥିଲା । ସେ ରୱାଣ୍ଡାର ସବୁଠୁ ଧନୀ ବ୍ୟକ୍ତି ଭାବେ ଜଣାଶୁଣା ଥିଲା । 
ନରସଂହାରର କିଛି ବର୍ଷ ପରେ ରୱାଣ୍ଡାରେ ଖୋଦନ ଅଭିଯାନ ଚାଲିଥିଲା । ଆଉ ସେଠାରୁ ଅନେକ ଶରୀରର ଅବଶେଷ ମିଳିଥିଲା । ସେ ଜର୍ମାନୀ, ବେଲଜିୟମ , କେନିୟା , ସ୍ୱିଜରଲ୍ୟାଣ୍ଡ ଆଦି ଦେଶରେ ମଧ୍ୟ ଲୁଚି ରହିଥିଲା । ୧୯୯୭ରେ ୟୁନାଇଟେଡ୍ ରାଷ୍ଟ୍ରର ଇଣ୍ଟରନ୍ୟାସନାଲ କ୍ରିମିନଲ ଟ୍ରିବ୍ୟୁନାଲ ଫର ରୱାଣ୍ଡା କବୁଗାଙ୍କୁ ଦୋଷୀ କରାଇଥିଲେ ।
Comments are closed.