Latest Odisha News

‘ବୱାଲ’ର କିଛି ସିନ୍‌କୁ ନେଇ ଉଠିଲା ବିବାଦ

ମୁମ୍ବାଇ: ନିକଟରେ ବଲିଉଡ଼ ଅଭିନେତ୍ରୀ ଜାହ୍ନବୀ କପୁର ଓ ଅଭିନେତା ବରୁଣ ଧୱନଙ୍କ ଅଭିନିତ ଫିଲ୍ମ ‘ବୱାଲ’ ଓଟିଟି ପ୍ଲାଟଫର୍ମରେ ରିଲିଜ ହୋଇଯାଇଛି । ଏବେ ଏହାର କିଛି ସିନ୍‌କୁ ନେଇ ବିବାଦ ଦେଖାଦେବା ସହ ଆପତ୍ତି ଉଠାଇଛିି ଇସ୍ରାଏଲ ଦୂତାବାସ ।

ଏହି ଫିଲ୍ମରେ ଉଭୟ ଜାହ୍ନବୀ ଓ ବରୁଣଙ୍କ ଯୋଡ଼ିକୁ ଲୋକେ ଖୁବ୍ ପସନ୍ଦ କରିଛନ୍ତି । ସେମାନଙ୍କ ଅଭିନୟ ପାଇଁ ସେମାନଙ୍କୁ ବେଶ୍ ପ୍ରଶଂସା ମିଳୁଛି । ନୀତୀଶ ତିୱାରୀଙ୍କ ନିର୍ଦ୍ଦେଶିତ ଏହି ଫିଲ୍ମ ସେଲିବ୍ରିଟଙ୍କ ଠାରୁ ପଜିଟିଭ ରିଭ୍ୟୁ ପାଇଥିଲା । ଏଥିରେ ଦ୍ୱିତୀୟ ବିଶ୍ୱଯୁଦ୍ଧ ଦୃଶ୍ୟକୁ ନେଇ ଇସ୍ରାଏଲ ଦୂତାବାସ ଆପତ୍ତି କରିଛି । ବାସ୍ତବରେ, ଏହି ଫିଲ୍ମରେ ବୈବାହିକର ତୁଳନା ଅଶଭିଟଜ ଏବଂ ଲୋଭୀ ଲୋକଙ୍କୁ ହିଟଲରଙ୍କ ସହ ତୁଳନା କରାଯାଇଛି । ତେଣୁ ଏହାକୁ ନେଇ ଏକ ବିବାଦ ଉପୁଜିଛି ।

ଇସ୍ରାଏଲର ଦୂତାବାସ ପକ୍ଷରୁ ଟୁଇଟରରେ ଉଲ୍ଲେଖ କରାଯାଇଛି ଯେ, ଏହିି ଫିଲ୍ମ ଦ୍ୱାରା ହୋଲୋକାଷ୍ଟର ଗୁରୁତ୍ୱକୁ ତୁଚ୍ଛ କରି ଇସ୍ରାଏଲ ଦୂତାବାସ ଅସୁବିଧାରେ ପଡିଛି । ଏଥିରେ କିଛି ଶବ୍ଦର ବ୍ୟବହାରରେ ଭୁଲ ଥିଲା । ଯେତେବେଳେ ଆମେ ବିଶ୍ୱାସ କରୁ ଯେ କୌଣସି ମନ୍ଦ ଉଦ୍ଦେଶ୍ୟ ନଥିଲା, ଆମେ ସମସ୍ତଙ୍କୁ ଅନୁରୋଧ କରୁଛୁ ଯେଉଁମାନେ ହୋଲୋକାଷ୍ଟର ଭୟାବହତା ବିଷୟରେ ସମ୍ପୂର୍ଣ୍ଣ ଭାବେ ଅବଗତ ନୁହଁନ୍ତି, ସେମାନେ ଏହା ବିଷୟରେ ନିଜକୁ ଶିକ୍ଷିତ କରନ୍ତୁ ।

Leave A Reply

Your email address will not be published.