ନୂଆଦିଲ୍ଲୀ: ଇଣ୍ଟରନେଟରେ ସେନସେସନ ପାଲଟିଥିବା ‘ବାବା କା ଢ଼ାବା’ ନାମରେ ସାମ୍ନାକୁ ଆସୁଛି ଟଙ୍କା ହେରଫେର କଥା । ଏହି ହେର ଫେର ଡୋନେସନ ଅର୍ଥରେ ହୋଇଥିବା ଅଭିଯୋଗ ହୋଇଛି। ୟୁଟ୍ୟୁବର୍ ଲକ୍ଷ୍ମୀ ଚୌଧୁରୀ ଅଭିଯୋଗ ଆଣିଛନ୍ତି ଯେ, ବାବା କା ଢ଼ାବା ନାଁ ରେ ଆସୁଥିବା ଟଙ୍କା ଏହାର ମାଲିକ କାନ୍ତା ପ୍ରସାଦଙ୍କ ପାଖରେ ପହଞ୍ଚି ପାରି ନାହିଁ।
ଜାଗୋ ଗ୍ରାହକ ଜାଗୋ:
ଅକ୍ଟୋବର ୨୬ ରେ ୟୁଟୁବର ଲକ୍ଷ୍ମୀ ଚୌଧୁରୀ ଜାଗୋ ଗ୍ରାହକ ଜାଗା ନାମକ ଏକ ଭିଡିଓ ଅପଲୋଡ୍ କରିଥିଲେ । ଏହି ଭିଡିଓରେ ଲକ୍ଷ୍ମୀ ଗୁରୁତର ଅଭିଯୋଗ ଆଣିଛନ୍ତି। ସେ କହିଛନ୍ତି ଯେ ୟୁଟ୍ୟୁବର୍ ଗୌରବ ୱାସାନ୍ ଏକ ଅନଲାଇନ୍ ଅଭିଯାନ କରିଥିଲେ ଏବଂ ବୃଦ୍ଧ ଦମ୍ପତିଙ୍କ ପାଇଁ ଆର୍ଥିକ ସହାୟତା ନାମରେ ଟଙ୍କା ସଂଗ୍ରହ କରିଥିଲେ। କିନ୍ତୁ ଏହା କାନ୍ତ ପ୍ରସାଦଙ୍କୁ ଦିଆଯାଇନଥିଲା।
ବାବାଙ୍କ ଢ଼ାବା ଇଣ୍ଟରନେଟରେ ଛାଇ ଯାଇଥିଲା ଅକ୍ଟୋବର ୮ ରେ, ‘ବାବା କା ଢ଼ାବର ଏକ ଭିଡିଓ ଇଣ୍ଟରନେଟରେ ଭାଇରାଲ ହୋଇଥିଲା। ଭିଡିଓରେ, ଢ଼ାବା ମାଲିକ କାନ୍ତ ପ୍ରସାଦ କାନ୍ଦୁଥିବାର ଦେଖିବାକୁ ମିଳିଥିଲା। ଏହି ମହାମାରୀ ସମୟରେ ତାଙ୍କର ଦିନକୁ ଆୟ ୧୦୦ ଟଙ୍କାରୁ କମ୍ ହୋଇଥିବାରୁ ସେ କାନ୍ଦି କାନ୍ଦି କହୁଥିବାର ଦେଖିବାକୁ ମିଳିଥିଲା ।
ଏହି ଭିଡିଓଟି ୟୁଟ୍ୟୁବରେ ଗୌରବ ଭସନଙ୍କ ଦ୍ୱାରା ସୁଟିଂ କରାଯାଇଥିଲା ଏବଂ ତାଙ୍କ ଚ୍ୟାନେଲରେ ଅପଲୋଡ୍ ହୋଇଥିଲା ଏବଂ ବୃଦ୍ଧ ଦମ୍ପତିଙ୍କୁ ସାହାଯ୍ୟ କରିବାକୁ ଦିଲ୍ଲୀବାସୀଙ୍କୁ ଅନୁରୋଧ କରିଥିଲେ। ଲୋକଙ୍କୁ ଟଙ୍କା ଦାନ କରିବାକୁ ଏବଂ ଆର୍ଥିକ ଦୃଷ୍ଟିରୁ ସାହାଯ୍ୟ କରିବାକୁ ସେ ଏହି ଭିଡ଼ିଓରେ କହିଥିଲେ।
ଗୌରବ ଭାସାନ୍ ଏହାର ଉତ୍ତରରେ କହିଛନ୍ତି ଯେ, “ମୁଁ କୌଣସି ଘୋଟାଲା କରିନାହିଁ। ମୁଁ ୩.୩୫ ଲକ୍ଷ ଟଙ୍କା ସଂଗ୍ରହ କରିଛି। ସେଥିମଧ୍ୟରୁ ମୁଁ କାନ୍ତା ପ୍ରସାଦଙ୍କୁ ୨.୩୩ ଲକ୍ଷ ଟଙ୍କାର ଚେକ୍ ଦେଇ ଏକ ଲକ୍ଷ ଟଙ୍କା ତାଙ୍କ ଆକାଉଣ୍ଟକୁ ସିଧାସଳଖ ହସ୍ତାନ୍ତର ଦେଇଛି। ଏନେଇ ମୁଁ ମୋ ବ୍ୟାଙ୍କ ଆକାଉଣ୍ଟ ସେୟାର କରିବି”।
ବାବା କା ଢ଼ାବା କୁ ସାହାଯ୍ୟ କରିବାକୁ ଦେଶର ବିଭିନ୍ନ ସ୍ଥାନରୁ ଲୋକମାନେ ଆଗେଇ ଆସିଥିଲେ । ବଲିଉଡର ସେଲିବ୍ରିଟିମାନେ ମଧ୍ୟ ସାହାଯ୍ୟ ପାଇଁ ଲୋକଙ୍କୁ ନିବେଦନ କରିଥିଲେ ।