ପୂର୍ବତନ ମନ୍ତ୍ରୀ ଲାଲବିହାରୀ ହିମିରିକା ଅସୁସ୍ଥ

ରାୟଗଡ଼ା : ପୂର୍ବତନ ମନ୍ତ୍ରୀ ଲାଲବିହାରୀ ହିମିରିକା ଅସୁସ୍ଥ । ୧୦୮ ଆମ୍ବୁଲାନ୍ସ ଯୋଗେ ତାଙ୍କୁ ଭୁବନେଶ୍ବରର ଘରୋଇ ହସପିଟାଲରେ ଭର୍ତ୍ତି କରାଯାଇଛି । ଗତ ଦୁଇ ଦିନ ପୂର୍ବରୁ ମର୍ଣ୍ଣିଂ ଓ୍ବାକ୍ କରୁଥିବା ବେଳେ, ହଠାତ୍ ତଳେ ପଡ଼ି ଯାଇଥିଲେ । ଫଳରେ ଅସୁସ୍ଥ ହୋଇ ସ୍ଥାନୀୟ ଡାକ୍ତର ଦ୍ବାରା ଚିକିତ୍ସିତ ହେଉଥିଲେ । ହେଲେ ଆଜି ହଠାତ୍ ଅଧିକ ଅସୁସ୍ଥ ହେବା ସହ ସେ କାହାକୁ ଚିହ୍ନି ପାରିନଥିଲେ । ଏହାସହ ମୁହଁ ସାମାନ୍ୟ ବଙ୍କା ହୋଇଯିବାରୁ ତାଙ୍କୁ ଭୁବନେଶ୍ବର ଆପୋଲୋ ହସ୍ପିଟାଲକୁ ସ୍ଥାନାନ୍ତର କରାଯାଇଛି । ରାୟଗଡାର ପୂର୍ବତନ ବିଧାୟକ ହେଉଛନ୍ତି ଲାଲବିହାରୀ ହିମିରିକା । ରାଜ୍ୟ ସରକାରଙ୍କ ବିଭିନ୍ନ ବିଭାଗର ମନ୍ତ୍ରୀ ଦାୟିତ୍ବ ତୁଲାଇଛନ୍ତି ଲାଲ ବିହାରୀ ହିମିରିକା । ଗତ ୨୦୧୯ ସାଧାରଣ ନର୍ବାଚନରେ ପରାଜିତ ହୋଇଥିଲେ ।