ସୁରଟ: ନୂଆବର୍ଷରେ ବଡଧରଣର ଅଘଟଣ । ଗୁଜରାଟ ସୁରଟର ହାଜିରା ଶିଳ୍ପାଞ୍ଚଳରେ ଥିବା ଏକ ଷ୍ଟିଲ ପ୍ଲାଣ୍ଟରେ ଅଗ୍ନିକାଣ୍ଡ ଘଟି ୪ ଶ୍ରମିକଙ୍କ ମୃତ୍ୟୁ ଘଟିଥିବା ବେଳେ ଅନେକ ଶ୍ରମିକ ଆହତ ହୋଇଛନ୍ତି । ପୋଲିସ ଘଟଣା ସ୍ଥଳରେ ପହଁଚି ତଦନ୍ତ ଆରମ୍ଭ କରିଛି ।
ଖବର ମୁତାବକ, ପ୍ଲାଣ୍ଟରେ ଜଳୁଥିବା କୋଇଲା ହଠାତ୍ ବ୍ୟାପିଯିବାରୁ ଭୟଙ୍କର ଅଗ୍ନିକାଣ୍ଡ ହୋଇଥିଲା । ଯେଉଁଥିରେ ୪ ଜଣ ଶ୍ରମିକଙ୍କର ମୃତ୍ୟୁ ହୋଇଛି । ତେବେ ଆର୍ସେଲରାମିତ୍ତଲ ନିପ୍ପନ ଷ୍ଟିଲ ଇଣ୍ଡିଆ ଲିମିଟେଡରେ ଏହି ଘଟଣା ଘଟିଥିବା ସୁରଟ ପୋଲିସ ଆୟୁକ୍ତ ଅନୁପମ ସିଂ ଗେହଲଟ କହିଛନ୍ତି ।
କମ୍ପାନୀର ମୁଖପାତ୍ର କହିଛନ୍ତି ଯେ, ମୃତକ ଏବଂ ଆହତଙ୍କ ପରିବାରକୁ ଯଥାସମ୍ଭବ ସହାୟତା ପ୍ରଦାନ କରାଯିବ । ଏବେ ଆପତ୍ତକାଳୀନ ପ୍ରୋଟୋକୋଲ ତୁରନ୍ତ ସକ୍ରିୟ କରିଦିଆଯାଇଛି । ସ୍ଥାନୀୟ ଅଞ୍ଚଳକୁ ଘେରାବନ୍ଦୀ କରାଯାଇଛି ।
Comments are closed.