କରୋନା କେସ୍: ଚିନ୍ତା ବଢ଼ାଉଛି ଗଜପତି ଜିଲ୍ଲା

ଗଜପତି: ଜିଲ୍ଲାରେ ବଢ଼ି ଚାଲିଛି କରୋନା କେସ୍ । ୩୮୪ ଜଣ ପଜିଟିଭ୍ ବାହାରେଲେଣି । କେବଳ ଗତ ୮ ଦିନ ଭିତରେ ଚିହ୍ନଟ ହୋଇଛନ୍ତି ୨୨୧ ନୂଆ ଆକ୍ରାନ୍ତ । ୧୮ ତାରିଖରେ ୨୮ ଜଣ ଭୂତାଣୁ ସଂକ୍ରମିତ ହୋଇଥିବା ବେଳେ ୨୦ ତାରିଖରେ ୪୭ଜଣ, ୨୨ ତାରିଖରେ ୪୧, ୨୩ ତାରିଖରେ ୭୬ ଓ ୨୪ ତାରିଖରେ ୨୯ଜଣ ନୂଆ ଆକ୍ରାନ୍ତ ଚିହ୍ନଟ ହୋଇଥିଲେ । ଅର୍ଥାତ୍ ଜିଲ୍ଲାର ମୋଟ୍ ସଂକ୍ରମିତଙ୍କ ୫୫ ପ୍ରତିଶତ କେବଳ ଗତ ସପ୍ତାହେ ଭିତରେ ବାହାରିଛନ୍ତି ।
ରାଜ୍ୟରେ ପଞ୍ଚମ ସ୍ଥାନରେ ଗଜପତି
ମେ ୨୨ ତାରିଖରେ ଗଜପତି ଜିଲ୍ଲାରୁ ପ୍ରଥମ ପଜିଟିଭ୍ କେସ୍ ବାହାରିଥିଲା । ମାସେ ଭିତରେ ସଂକ୍ରମିତଙ୍କ ସଂଖ୍ୟା ୩ ଶହ ଟପିଗଲା । ରାଜ୍ୟରେ ସର୍ବାଧିକ କରୋନା ପ୍ରଭାବିତ ଜିଲ୍ଲାର ପଞ୍ଚମ ସ୍ଥାନରେ ରହିଛି ଗଜପତି ।

ବର୍ତ୍ତମାନ ଗଜପତି ଜିଲ୍ଲାରେ ୨୬୩ ଆକ୍ଟିଭ୍ କେସ୍ ରହିଛି । ମୋଟ୍ ଆକ୍ରାନ୍ତଙ୍କ ୬୮ ପ୍ରତିଶତ କୋଭିଡ୍ ହସ୍ପିଟାଲରେ ଚିକିତ୍ସାଧୀନ ରହିଛନ୍ତି । ସୁସ୍ଥ ହୋଇ ଘରକୁ ଫେରିଛନ୍ତି ୧୨୧ ଜଣ । କିନ୍ତୁ ଆଶ୍ୱସ୍ତିକର ଖବର ହେଉଛି ଏଯାଏ କରୋନା ଜିଲ୍ଲାରେ କାହାର ଜୀବନ ନେଇ ପାରିନି ।