ବ୍ରହ୍ମପୁର: ଗଞ୍ଜାମ ଜିଲା ଆସିକା ଥାନା ପୋଲିସ ମଙ୍ଗଳବାର ଏକ ଜୁଆ ଆଡ୍ଡା ଉପରେ ଚଢ଼ଉ କରିବା ସହିତ ୮୦ ହଜାର ଟଙ୍କା, ୧୫ଟି ମୋବାଇଲ ଏବଂ ୨ଟି ବାଇକ୍କୁ ଜବତ କରିଛି । ଏହି ଆଡ୍ଡାରୁ ୧୩ଜଣ ଜୁଆଡ଼ିଙ୍କୁ ଗିରଫ କରାଯାଇଛି। ଆସିକା ଥାନା ଅନ୍ତର୍ଗତ ଧୋବପଲ୍ଲୀ ଶିବ ମନ୍ଦିର ପାଖରେ ଜୁଆ ଖେଳ ଚାଲିଥିବା ପୋଲିସ ପାଖରେ ସୂଚନା ପହଞ୍ଚିଥିଲା । ଏକ ଟିମ୍ ଅଚାନକ ଚଢ଼ଉ କରିଥିଲା । ସେଠାରୁ ହୃଷିକେଶ ନାହାକ,ପଞ୍ଚାନନ ପ୍ରଧାନ, ତିରୁପତି ଦୋରା, ଚିତ୍ରସେନ ପାତ୍ର, ପି. ପଞ୍ଚାନନ ପାତ୍ର, ଯୁଗଳ କିଶୋର ପାତ୍ର, ପପୁନ ଜେନା, ନୀଳାଞ୍ଚଳ ମହାରଣା, ସୀମାଞ୍ଚଳ ବେହେରା, ବଳରାମ ନାୟକ, ଖଦାଳ ଗୌଡ଼ ଏବଂ ସମୀର ରାଉତଙ୍କୁ ଗିରଫ ପରେ କୋର୍ଟ ଚାଲାଣ କରାଯାଇଥିବା ଆସିକା ଥାନା ଅଧିକାରୀ ପ୍ରଶାନ୍ତ କୁମାର ସାହୁ ସୂଚନା ଦେଇଛନ୍ତି।
Comments are closed.