କାରରୁ ୬୧କେଜି ଗଞ୍ଜେଇ ଜବତ

ସୁବର୍ଣ୍ଣପୁର:  ସୁବର୍ଣ୍ଣପୁରରୁ  ୬୧କେଜି ଗଞ୍ଜେଇ ଜବତ I ଜିଲ୍ଲା ସଦର ମହକୁମା କୁଞ୍ଜ ହୋଟେଲ ଛକ ନିକଟରୁ ଏକ କାରରୁ ୬୧କେଜି ୨୦୦ ଗ୍ରାମ ଗଞ୍ଜେଇ ଜବତ କରିଛି ଅବକାରୀ ବିଭାଗ I ଆଜି ଦିନ ସମୟରେ ବୌଦ୍ଧ ଜିଲ୍ଲା ପଟରୁ ଏକ ମାରୁତି ଇକୋ କାରରେ ଦୁଇଜଣ ଯୁବକ ଗଞ୍ଜେଇ ନେଇ ସୋନପୁର ପଟଦେଇ ଯାଉଥିବା ବେଳେ ଜବତ କରିଛି ଅବକାରୀ ବିଭାଗ I ବିଶ୍ବସ୍ତ ସୂତ୍ରରୁ ଖବର ପାଇ କୁଞ୍ଜ ଛକ ନିକଟରେ ଗାଡିକୁ ଯାଞ୍ଚ କରିବା ସେଥିରୁ ଗଞ୍ଜେଇ ଜବତ କରିଥିଲା I

ତେବେ ଏହି ଗଞ୍ଜେଇ ଚୋରା ଚାଲାଣ କରୁଥିବା ଦୁଇଜଣ ଯୁବକଙ୍କୁ ମଧ୍ୟ ଗିରଫ କରି ଥିବାବେଳେ ଡ୍ରାଇଭର ଫେରାର ମାରିବା ରେ ସଫଳ ହୋଇଛି I ଗିରଫ ଯୁବକ ଦ୍ବୟ ହେଲେ ଉତ୍ତରପ୍ରଦେଶ ରାଜ୍ୟର ଫତେପୁର ଅଞ୍ଚଳର ଅଙ୍କିତ ଗୁପ୍ତା ଓ ପ୍ରମୋଦ କୁମାର ବୋଲି ଜଣାପଡିଛି I ଅବକାରୀ ବିଭାଗ ଗଞ୍ଜେଇକୁ ଜବତ କରି ଯୁବକ ଦୁଇଜଣଙ୍କୁ ପଚରା ଉଚୁରୁ ଜାରି ରଖିଛି I