ଗ୍ଲୋବାଲ ସ୍ପୋର୍ଟ୍ସ ଡାଟା କମ୍ପାନୀ ଗ୍ରେସନୋଟର ଭବିଷ୍ୟବାଣୀ, ଅଧିକ ପଦକ ସହ ଶ୍ରେଷ୍ଠ ପ୍ରଦର୍ଶନ କରିବ ଭାରତ

ନୂଆଦିଲ୍ଲୀ: ଟୋକିଓ ଅଲିମ୍ପିକ୍ସରେ ଭାରତ ସର୍ବଶ୍ରେଷ୍ଠ ପ୍ରଦର୍ଶନ କରିବା ସହ ଅଧିକ ପଦକ ଜିତିବ ବୋଲି ଗ୍ଲୋବାଲ ସ୍ପୋର୍ଟ୍ସସ ଡାଟା କମ୍ପାନୀ ଗ୍ରେସନୋଟ ଭବିଷ୍ୟବାଣୀ କରିଛି । ୨୦୧୨ ଲଣ୍ଡନ ଅଲିମ୍ପିକ୍ସରେ ଭାରତ ସର୍ବାଧିକ ୬ ପଦକ ଜିତିଥିଲା । ଏଥର ୧୭ ପଦକ ଭାରତ ଜିତିବ ବୋଲି ଭବିଷ୍ୟବାଣୀ କରାଯାଇଛି । ରିପୋର୍ଟ ମୁତାବକ ଭାରତୀୟ ଆଥଲେଟ ଶୁଟିଂରେ ୮, ବକ୍ସିଂରେ ୪, ରେସଲିଂରେ ୩ ଏବଂ ୱେଟଲିଫ୍ଟିଂ ଓ ତୀରନ୍ଦାଜରେ ଗୋଟିଏ ଲେଖାଁଏ ପଦକ ଜିତିବେ । ପୂର୍ବରୁ ଭାରତ ୨୦୦୮ ବେଜିଂ ଗେମ୍ସରେ ୬, ୨୦୧୬ ରିଓ, ୧୯୫୨ ହେଲସିଙ୍କ ଓ ୧୯୦୦ ପ୍ୟାରିସ ଅଲିମ୍ପିକ୍ସରେ ୨ଟି ଲେଖାଁଏ ପଦକ ଜିତିଥିଲା । ୧୯୨୮, ୧୯୩୨, ୧୯୩୬, ୧୯୪୮, ୧୯୫୨, ୧୯୫୬, ୧୯୬୪ ଓ ୧୯୮୦ରେ ଭାରତ ହକିରେ ପଦକ ଜିତିଥିଲା ।
କାହାଠାରୁ ରହିଛି ପଦକ ଆଶା: ଭାରତକୁ ଏଥର ଶୁଟିଂରେ ଅଧିକ ପଦକ ମିଳିବା ଆଶା ରହିଛି । ସୌରଭ ଚୌଧୁରୀ, ମନୁ ଭାକର, ଯଶସ୍ୱୀ ଦେସୱାଲ ଓ ସଞ୍ଜୀବ ରାଜପୁତଙ୍କ ପଦକ ଜିତିବା ସମ୍ଭାବନା ଅଧିକ ରହିଛି । ସେହିପରି ବକ୍ସିଂରେ ମେରୀ କମ ଓ ଅମିତ ପଙ୍ଘଲ, ରେସଲିଂରେ ଭିନେଶ ଫୋଗଟ, ବଜରଙ୍ଗ ପୁନିଆ ଏବଂ ତୀରନ୍ଦାଜରେ ଦୀପିକା କୁମାରୀ ପଦକ ଜିତିବେ ଉପରୋକ୍ତ ସଂସ୍ଥା ଭବିଷ୍ୟବାଣୀ କରିଛି ।