ଲକ୍ଷ୍ନୌ: ଗୋରଖପୁରରେ ଟେରାକୋଟା ହାତରେ ନିର୍ମିତ ଦୀପ ଏବଂ ଛୋଟମୋଟ ଶିଳ୍ପକଳା ତିଆରି କରାଯାଇଥାଏ । କିନ୍ତୁ ଅତୀତରେ ଏହା ଏତେ ପ୍ରସିଦ୍ଧ ଲାଭ କରିଛି ଯେ ଏହା ସମଗ୍ର ବିଶ୍ବରେ ଏକ ଅଲଗା ପରିଚୟ ସୃଷ୍ଟି କରିପାରିଛି । ଭାରତ ଏବଂ ବିଦେଶର ଲୋକମାନେ ଏଠାରେ ନିର୍ମିତ ହସ୍ତଶିଳ୍ପ କିଣନ୍ତି । ଦେଶ ବିଦେଶର ଅନେକ ପ୍ରଦର୍ଶନୀରେ ଟେରାକୋଟା ଉତ୍ପାଦଗୁଡିକ ପ୍ରଦର୍ଶିତ ହୋଇଥାଏ । ଓଡିପିଡି (ODOP)ରେ ଟେରାକୋଟା ଅନ୍ତର୍ଭୁକ୍ତ ଏବଂ ମାଟିରୁ ନିର୍ମିତ ଏହି ହସ୍ତଶିଳ୍ପ ଏତେ ଉଜ୍ଜ୍ୱଳ ଏବଂ ଆକର୍ଷଣୀୟ ଯେ ସେଗୁଡିକ ବହୁତ ସୁନ୍ଦର ଦେଖାଯାଏ । ଏଥର ଦେବ ଦୀପାବଳୀରେ ସମଗ୍ର କାଶୀକୁ ଟେରାକୋଟା ଦୀପରେ ସଜାଯିବ ।
ବନାରସରେ ଦେବ ଦୀପାବଳୀର ଏକ ଭିନ୍ନ ମହତ୍ତ୍ବ ରହିଛି । କାଶୀରେ ସମସ୍ତେ ଏହି ଦିନ ଦୀପ ଜାଳନ୍ତି । ତେଣୁ ଏହି ଅବସରରେ ମୁଖ୍ୟମନ୍ତ୍ରୀ ମଧ୍ୟ ଉପସ୍ଥିତ ରହିଥାନ୍ତି । ଏଥର ଦେବ ଦୀପାବଳିରେ ୫ ଲକ୍ଷ ଟେରାକୋଟା ଦୀପ କାଶୀରେ ପ୍ରଜ୍ବଳିତ ହେବ ଯାହା ଦ୍ବାପା ସମଗ୍ର ପରିବେଶ ଦୀପର ଆଲୋକରେ ଝଲସି ଉଠିବ । ହାତ ତିଆରି ଏହି ଦୀପଗୁଡ଼ିକ ବହୁତ ସୁନ୍ଦର ଅଟେ । ଦୀପ ଜଳିବା ପରେ ଏହାର ସୌନ୍ଦର୍ଯ୍ୟରେ ଆହୁରି ବୃଦ୍ଧି ଘଟିବ । ଦୀପ ତିଆରି କରୁଥିବା କଳାକାର ପନ୍ନେ ଲାଲ ପ୍ରଜାପତି କହିଛନ୍ତି ଯେ, ଦୀପ ସହିତ ସେ ଅନ୍ୟାନ୍ୟ ସାମଗ୍ରୀ ମଧ୍ୟ ତିଆରି କରନ୍ତି ଯାହା ଅତ୍ୟନ୍ତ ଆକର୍ଷଣୀୟ ଏବଂ ଖୁବ ସୁନ୍ଦର ଅଟେ । ଟେରାକୋଟା ମାଟି ସବୁଠାରୁ ସ୍ୱତନ୍ତ୍ର ଯାହା ଏହାକୁ ସୌନ୍ଦର୍ଯ୍ୟ ପ୍ରଦାନ କରେ ।
ଏଥର ଦେବ ଦୀପାବଳୀ ଟେରାକୋଟା ଦୀପ ସହିତ ଗୋରଖପୁରର ମହିଳାମାନଙ୍କ ଦ୍ୱାରା ଗୋବରରେ ନିର୍ମିତ ହବନ କପ୍ ମଧ୍ୟ କାଶୀରେ ପ୍ରଜ୍ୱଳିତ ହେବ । ଏହି ହବନ କପ୍ ଦୁଇରୁ ତିନି ହଜାର ପରିମାଣରେ କାଶୀକୁ ପଠାଯାଇଛି । ଏହି ହବନ କପ୍ ଗୁଡିକ ଘାଟ ଉପରେ ଜଳିଲେ ସମଗ୍ର ଅଞ୍ଚଳ ପୁରା ଝଲସି ଉଠୁଥିବା ଦେଖିବାକୁ ମିଳିବ । ଏହି ମହିଳାମାନେ ସିଦ୍ଧି ବିନାୟକ ଟ୍ରେଡର୍ସ ସହିତ କାମ କରନ୍ତି, ଯାହା ମାଧ୍ୟମରେ ଏହି ସମସ୍ତ ସାମଗ୍ରୀ ପ୍ରସ୍ତୁତ କରାଯାଏ । ସିଦ୍ଧବିନାୟକ ଟ୍ରେଡର୍ସର ମାଲିକ ସଂଗୀତା ପାଣ୍ଡେ କହିଛନ୍ତି ଯେ, ଗୋବରରେ ତିଆରି ଏହି ହବନ କପ୍ ଅତ୍ୟନ୍ତ ଶୁଦ୍ଧ ଏବଂ ସାଧାରଣ କପ ଅଟେ । ଯାହା ଜଳିବା ପରେ ମଇଳା ସୃଷ୍ଟି କରେ ନାହିଁ ଏବଂ ଗଙ୍ଗାରେ ଏହାକୁ ପ୍ରବାହିତ କରାଯାଇପାରିବ ।
Comments are closed.